News
Լրահոս
News
Երկուշաբթի
Հուլիս 22
Տեսնել լրահոսը

Անձնական կյանքի գաղտնիք համարվող տեղեկությունն ապօրինի հավաքելու, տարածելու եւ պաշտոնեական դիրքը չարաշահելու դեպքի առթիվ ՀՀ հատուկ քննչական ծառայությունում քննվող քրեական գործի նախաքննության ընթացքում ձեռք բերված բավարար ապացույցների համակցության հիման վրա ՀՀ ազգային անվտանգության ծառայության համապատասխան ստորաբաժանման պետին մեղադրանք է առաջադրվել ՀՀ քրեական օրենսգրի 308-րդ հոդվածի 1-ին մասով նախատեսված հանցավոր արարք կատարելու` պաշտոնեական լիազորությունները չարաշահելու համար:

ՀՔԾ-ից NEWS.am-ին հայտնում են, որ ըստ առաջադրված մեղադրանքի` վերջինս առանց ծառայողական անհրաժեշտության, օրենքով սահմանված նպատակի եւ այլ իրավաչափ հիմքերի բացակայության պայմաններում, 2020 թվականի հունվարի 9-ին ԱԱԾ համապատասխան ստորաբաժանման աշխատակցին խնդրել է տեղեկատվական շտեմարանում ստուգել ՀՀ տարածքային կառավարման եւ ենթակառուցվածքների նախարար Սուրեն Պապիկյանի դատվածության վերաբերյալ տեղեկատվությունը:

Հիշյալ աշխատակիցը ԱԱԾ ստորաբաժանման պետի պահանջով ՀՀ ոստիկանության ինֆորմացիոն կենտրոնի օպերատիվ տեղեկատու քարտադարանից ստացել եւ վերջինիս է փոխանցել Սուրեն Պապիկյանի դատվածության վերաբերյալ տեղեկանքը, որը պարունակել է նրա անձնական կյանքի գաղտնիք համարվող, ոչ հանրամատչելի մանրամասն տեղեկություններ դատվածության, դատավճռով նշանակված պատժաչափի եւ այլ հանգամանքների վերաբերյալ:

Այդ կերպ ԱԱԾ վերը նշված պաշտոնատար անձը, անձնական շահագրգռվածությունից ելնելով, դիտավորությամբ իր պաշտոնեական դիրքն օգտագործել է ծառայության շահերին հակառակ, որով էական վնաս է պատճառել Սուրեն Պապիկյանի իրավունքներին եւ օրինական շահերին:

Մեղադրյալի նկատմամբ որպես խափանման միջոց է ընտրվել ստորագրություն չհեռանալու մասին: Քննիչի կողմից որոշում է կայացվել ԱԱԾ վերը նշված պաշտոնատար անձի պաշտոնավարությունը ժամանակավորապես դադարեցնելու մասին:

Նախաքննությունը շարունակվում է:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Մեքսիկայում սպանվել է մայրաքաղաքի ոստիկանության հետախուզության ղեկավարը
Ցավով հայտնում եմ, որ իմ գործընկերն ու ընկերը՝ Անվտանգության գլխավոր հանձնակատար Միլթոն Մորալես...
Կրակոցներ Խորվաթիայի ծերանոցում. առնվազն հինգ մարդ է զոհվել
Խորվաթ լրագրողները հայտնել են, որ կրակը բացել է նախկինում ռազմական գործողությունների մասնակցած՝ 1973 թվականին ծնված տղամարդը...
Փրկարարները Սևանա լճից դուրս են բերել քաղաքացիներին և ջրային սկուտերը
Հուլիսի 22-ին, ժամը 15:19-ին Գեղարքունիքի մարզային փրկարարական վարչության…
Նոր Գեղի-Արգել ճանապարհին «Մերսեդեսը» դուրս է եկել ճանապարհից ու շրջվել. կան տուժածներ
Հուլիսի 22-ին, ժամը 14:11-ին Կոտայքի մարզային փրկարարական վարչության…
Նշված օրը նույն ինքնաթիռով տեղի է ունեցել 4 ուսումնավարժական թռիչք. ՔԿ-ն՝ ինքնաթիռի վթարի մասին
Քրեական վարույթով նախաքննությունը շարունակվում է, կատարվում են մեծածավալ քննչական և վարութային այլ գործողություններ՝ վթարի պատճառները, սահմանված...
Վայոց ձորում բախվել են «ՄԱԶ 526 Բ»-ն և «ԳԱԶ 2705»-ը. վերջինը կողաշրջվել է. կա վիրավոր
Վթարի հետևանքով Հ. Հունանյանի ավտոմեքենան կողաշրջվել է, իսկ վերջինս էլ…
Ամենաշատ