ԱՄՆ-ը օդային աջակցություն չի ցուցաբերի Թուրքիային Իդլիբում, այդ մասին ասել է Պենտագոնի ղեկավար Մարի Էսփերը:
Նա նաեւ նշել է, որ չի ցանկանում շահարկել թեման, որ ՆԱՏՕ-ն պետք է գործադրի 5-րդ հոդվածը, որը վերաբերում է կոլեկտիվ ինքնապաշտպանությանը Իդլիբում փետրվարի 27-ի ավիահարվածից հետո, որի հետեւանքով զոհվել է առնվազն 36 թուրք զինվոր: «Ակնհայտ է, որ Թուրքիան ներգրավված է այնտեղ ռազմական գործողությունների մեջ: Մենք կգործենք աստիճանաբար»,-նշել է Էսփերը՝ հավելելով, որ քննարկել է այդ հարցը ՆԱՏՕ-ի գլխավոր քարտուղար Յենս Ստոլտենբերգի հետ:
Միավորված շտաբի նախագահ, գեներալ Մարկ Միլին հայտարարել է, որ նրանք դեռեւս չունեն «հստակ, միանշանակ տեղեկատվություն, թե ով եւ ինչ ինքնաթիռներ են» գործարկված եղել Իդլիբում փետրվարի 27-ին՝ հավելելով, որ կապ է հաստատել Թուրքիայից եւ Ռուսաստանից իր գործընկերների հետ ու անհապաղ ապաէսկալացիայի կոչ արել:
