Արցախի անկախ պետության հարցը Արցախի ժողովուրդն արդեն լուծել է, մենք արդեն 30 տարի ունենք Արցախի անկախ պետություն, միայն պետք է միջազգային ճանաչում լինի: Բանակցությունների հիմքում պետք է լինի Արցախի անկախության հարցը, որ դա չի քննարկվում: Դրանից հետո նոր կարելի է բանակցել այլ տարածքների, այլ խնդիրների շուրջ»:
Հարցին, թե ինչպես է գնահատում այսօրվա իշխանությունների կողմից Արցախի հարցում տարվող քաղաքականությունը, Ծառուկյանը պատասխանեց. «Ամենակարեւորը՝ ուզում են անեն, բայց ուզենալը պետք է լիարժեք մարդը պրակտիկա, փորձ ունենա, կամ ովքեր այդ փորձն ունեն, նրանց հետ հարկավոր է խորհրդատվական միջոցառումներ կազմակերպել: 20 հոգու կարելի է լսել ու դրանից վերցնել ամենալավը: Ամենագետ մարդ աշխարհում չկա: Ով իրեն դնում է ամենագետի տեղ, ուրեմն նա ոչ մի բան չգիտի: Եթե մենք այսօր ուզում ենք, որ մեր խնդիրները լուծվեն, պետք է լսի բոլորին, ինչը օգուտ է երկրին, տնտեսությանը, ժողովրդին, դա էլ անի:
Ես ասում եմ իմ տեսակետը, թող ավելի լավը առաջարկեն, մենք ընդունենք: Ու փորձելու դիմաց, իմ հարցին լիարժեք պատասխանեն, այլ ավել պակաս, կողքից ֆեյքերով, մեյքերով, ցեխ շպրտելով են զբաղվաԾ: Եղբայր, կարաս, արի նստի դեմս 3 հարց քննարկենք: Այդպես երկիր չեն կառուցի»:
Ինչ վերաբերում է Իլհամ Ալիեւի հայտարարությանը, թե Հայաստանի մեծ մասն ադրբեջանական տարածք է, Ծառուկյանը ծիծաղեց ու ասաց. «Ալիեւին իր խորհրդականները ճիշտ տեղեկություն չեն տվել: Նրանք պետք է համաշխարհային պատմություն կարդացած լինեին, որ հայերը հազարամյակների պատմություն ունեն, իսկ Ադրբեջանը 100 տարվա պատմություն ունի: Մենք Երեւանի 2800 ամյակն ենք նշում, իսկ նրանք 100 տարվա պատմություն ունեն ու Երեւանը համարում են ադրբեջանական: Պետք է Ալիեւի խորհրդականները, օգնականները պատմություն կարդան, որ Ալիեւին վատ վիճակի մեջ չդնեն»:
