Բուլղարիայի վարչապետ Բոյկո Բորիսովը հայտարարել է, որ «Գազպրոմը» հանրապետության համար գազի գինը 40 տոկոսով նվազեցրել է։
««Գազպրոմն» այսօր մեզ փոխանցեց բնական գազի գնի ամենամեծ՝ 40 տոկոսով, նվազեցման ստորագրված պայմանագիրը»,- մամուլի ասուլիսում հայտարարել է Բորիսովը։
Նա այդ իրադարձությունը որակել է որպես 1877-78թթ․ Ռուս-թուրքական պատերազմում Բուլղարիայի ազատագրման 142-րդ տարեդարձի կապակցությամբ «խորհրդանշական նվեր»՝ ընդգծելով, որ դիվերսիֆիկացիան եւ մրցակցությունը իրապես նվազեցնում են գազի գինը։
«Գազպրոմ էքսպորտում» ՏԱՍՍ-ին հաստատել են համաձայնագրի ստորագրումը։ «Բուլղարիա ռուսական բնական գազի մատակարարման գների վերանայման շրջանակներում «Գազպրոմ էքսպորտը» եւ «Բուլգարգազը» կայացրել են փոխշահավետ որոշում եւ ստորագրել են համապատասխան համաձայնագիր»,- ասել են ընկերությունում։
