Facebook-ը ստեղծել է հաղորդագրությունների փոխանակման համար նախատեսված Messenger հավելվածի ավելի պարզ տարբերակը, որը կհայտնվի Apple ընկերության iOS հարթակի համար, հայտնում է РБК-ը։
Facebook-ում նշել են, որ ընկերությունում այն անվանում են Project LightSpeed («Լույսի արագության նախագիծ»)։ iOS հարթակում հավելվածը զրոյից են վերակառուցել, որի արդյունքում Messenger-ը դարձել է ավելի արագ, սեղմ եւ պարզ», հայտարարել են ընկերությունում։ Այն կներդնեն հաջորդ մի քանի տարվա ընթացքում։
Ընկերությունում պատմել են, որ Messenger-ի բազային կոդը 84 տոկոսով կրճատել են։ «Վերակառուցման շրջանակներում որոշ գործառույթներ ժամանակավորապես հասանելի չեն լինի, սակայն մենք աշխատում ենք, որպեսզի վերադարձնենք դրանք առաջիկայում»,- ասվում է հաղորդագրության մեջ։
Facebook-ի կողմից անցկացված թեսթերի համաձայն, հավելվածը երկու անգամ ավելի արագ կներբեռնվի եւ չորս անգամ ավելի փոքր կլինի իր սկզբնական չափից։ Messenger-ը 2011-ին է ինքնուրույն հավելված դարձել։