Համաշխարհային բանկը 12 մլրդ դոլարի օգնություն է հատկացրել զարգացող երկրներին, որոնք պայքարում են կորոնավիրուսի տարածման դեմ, հայտնում է BBC News-ը:
ՀԲ արտակարգ օգնության փաթեթը ներառում է ցածր տոկոսով փոխառություններ, դրամաշնորհներ եւ տեխնիկական օգնություն:
ՀԲ ֆինանսական օգնության նպատակն է այս երկրներին օգնել ճգնաժամից հանրային առողջության պաշտպանության գործում, ինչպես նաեւ աշխատել մասնավոր հատվածի հետ կորոնավիրուսի տնտեսական հետեւանքների կրճատման ուղղությամբ:
Կազմակերպությունից հայտնել են, որ առաջնահերթ կլինեն ամենաաղքատ երկրները, ինչպես նաեւ կորոնավիրուսի տարածման առավել մեծ ռիսկի ենթակա պետությունները: