Բաքվի գործադիր իշխանությունը պատասխանել է ակտիվիստ եւ բլոգեր Բախթիյար Հաջիեւի դիմումին, որը վերջինս ներկայացրել էր նստացույցի նախաձեռնող խմբի անունից:
Ադրբեջանական ԶԼՄ-ների հաղորդմամբ՝ պատասխանում ասվում է, որ մարտի 5-ին ժամը 10:00-ին Սահմանադրական դատարանի շենքի դիմաց նախատեսվող նստացույցը չի համապատասխանում «Հավաքների ազատության մասին» օրենքի պահանջներին:
Նստացույցը նպատակ ունի վեր հանել Ընտրական օրենսգրքի եւ ընտրողների իրավունքի խախտումները եւ պահանջել հետաքննություն անցկացնել՝ չեղարկելու ընտրությունների արդյունքները:
Պատասխանում ասվում է նաեւ, որ այդ հարցերով պետք է դիմել համապատասխան մարմիններին, այլ ոչ թե նստացույց անցկացնել:
