«Կանաչ գյուղատնտեսություն» ծրագրի շրջանակում ներկայացվելու են գյուղատնտեսությունում նոր մոտեցումներ, դրանից բացի՝ բարելավվելու է ինստիտուցիոնալ միջավայրը: Այս մասին մարտի 4-ին լրագրողների հետ զրույցում ասաց էկոնոմիկայի փոխնախարար Արման Խոջոյանը:
Նրա խոսքով՝ արդեն ընտրվել են այն համայնքները, որտեղ ծրագիրը կոնկրետ իրականացվելու է: «Նախագիծը, որն իրականացվելու է Տավուշի, Լոռիի եւ Շիրակի մարզերում, ներառում է նաեւ օրգանական արտադրանքի արտադրություն, որը տարածքային սահմանափակումներ չունի»,- նշեց նա:
Հիշեցնենք, որ մարտի 4-ին Հայաստանում մեկնարկել է «Կանաչ գյուղատնտեսություն» ծրագիրը (EU-GAIA): Նախագծի ընդհանուր բյուջեն կազմում է 11,7 մլն եվրո: