ԵՄ-ն Թուրքիային կոչ է արել չխրախուսել փախստականների եւ միգրանտների հետագա տեղաշարժը դեպի ԵՄ սահմաններ եւ կատարել 2016թ․ համաձայնագրով իր պարտավորությունները։ Այս մասին հայտարարել է ԵՄ դիվանագիտության ղեկավար Ջոզեպ Բորելը, որը հակաճգնաժամային կառավարման եվրահանձնակատար Յանեզ Լենարչիչի հետ այցելել է Անկարա։
Թուրքական ղեկավարության ներկայացուցիչների հետ իր հանդիպումների ժամանակ նա նշել է համատեղ աշխատանքի անհրաժեշտությունը եւ ասել է, թե հասկանում է այն բարդ իրավիճակը, որի մեջ գտնվում է Թուրքիան։ Այնուամենայնիվ, ընթացիկ իրադարձությունները չեն հանգեցնում որեւէ լուծման եւ կարող են միայն խորացնել խնդիրները։
Բորելը հայտարարել է դեպի առաջ շարժվելու քաղաքական ուղու վրա Թուրքիայի հետ ԵՄ-ի աշխատելու պատրաստակամության մասին․ «Մենք ունենք ընդհանուր շահեր, եւ դա վերջ կդնի Սիրիայում հակամարտությանը։ Միայն այդպես մենք կկարողանանք վերջ դնել քաղաքացիական բնակչության տառապանքներին եւ մեր ավանդը ներդնենք այն առավել լուրջ խնդիրների որոշման մեջ, որոնք ներկայում կանգնած են Թուրքիայի առջեւ։ ԵՄ-ի եւ Թուրքիայի սահմանին ճնշման ուժեղացումը եւ միակողմանի գործողությունները հարցերի լուծում չեն»։