Թուրքիայի նախագահ Ռեջեփ Էրդողանը զորքեր է ուղարկել Սիրիա ամերիկացիների ցուցումով: Նման կարծիք է հայտնել Սիրիայի նախագահ Բաշար Ասադը «Ռոսիա 24»-ին տված հարցազրույցում:
«Ռազմական տեսանկյունից առաջնահերթ խնդիրն այժմ Իդլիբն է: Ակնհայտ է, որ Էրդողանն իր զորքերն ուղարկել է ամերիկացիների ցուցումով: Իդլիբի ազատագրումից հետո մեր նպատակը կլինի արեւելյան շրջանների ազատագրումը»,- ասել է նա:
Ասադը նաեւ հայտարարել է, որ Անկարան խոչընդոտում է Իդլիբի ազատագրմանը: «Թուրքիան ներդրել է բոլոր ուժերը, որպեսզի խոչընդոտի Իդլիբի ազատագրմանն ու որպեսզի մենք չկարողանանք շարժվել դեպի արեւելք »,- ասել է Սիրիայի նախագահը:
