ՌԴ նախագահ Վլադիմիր Պուտինը հուսով է, որ Իդլիբում իրավիճակը չի խարխլի ռուս-թուրքական հարաբերությունները, հաղորդում է ՏԱՍՍ-ը:
Թուրքիայի նախագահ Ռեջեփ Էրդողանի հետ հանդիպման ժամանակ նա հայտարարել է անձնական զրույցի անհրաժեշտության մասին՝ կապված Իդլիբում իրավիճակի սրման հետ: «Մենք, ինչպես միշտ, խոսալու թեմաներ ունենք, եւ այժմ Իդլիբում իրավիճակն այնքան է սրվել, որ ուղիղ անձնական զրույցի կարիք կար»,- ասել է Պուտինը:
Նա նշել է, որ սիրիական բանկը չի իմացել թուրք զինվորականների գտնվելու վայրի մասին, որոնք զոհվել են Սիրիայում հարձակման հետեւանքով:
«Մեր հանդիպման սկզբում ես կցանկանայի իմ անկեղծ ցավակցությունը հայտնել: Դա մեծ ողբերգություն է: Ցավոք, ոչ ոք, այդ թվում սիրիացի զինվորականները, չի իմացել թուրք զինվորականների գտնվելու վայրի մասին: Ինչպես Դուք էիք խնդրել, մենք պատրաստ ենք տետ-ա-տետ զրույց անցկացնել, իսկ անհրաժեշտության դեպքում մեզ կմիանան մեր գործընկերները»- ասել է Պուտինը:
Իր հերթին, Էրդողանը վստահություն է հայտնել, որ բանակցությունների արդյունքները կթեթեւացնեն Իդլիբի իրավիճակը:
«Անկասկած, մեր այսօրվա հանդիպումը մեծ նշանակություն ունի: Իսկապես, Իդլիբում շատ լարված իրավիճակ է: Այսօր ձեռնարկվելիք քայլերը, կարծում եմ, կթեթեւացնել իրավիճակը»,- ասել է Էրդողանը:
Նրա խոսքով՝ հիմնական խնդիրը Մոսկվայի եւ Անկարայի հարաբերությունները զարգացնելն է:
«Այժմ մենք մեր հարաբերություններում հասել ենք գագաթնակետին: Անկասկած, դա վերաբերում է պաշտպանական արդյունաբերությանը, առեւտրային հարաբերություններին եւ այլն: Մենք կարծում ենք, որ մեր գլխավոր խնդիրը մեր հարաբերությունները զարգացնելն ու առաջ տանելն է: Կարծում եմ, որ մենք կհաջողենք այդ գործում»,- հավելել է Էրդողանը: