Ոչ թե կորոնավիրուսը, այլ պոլիէթիլենային տոպրակն է վտանգ հանդիսանում ինչպես Հայաստանի, այնպես էլ ողջ աշխարհի համար: Այս մասին մարտի 6-ին տարածքային զարգացման փորձնական դրամաշնորհային սխեմաների արդյունքների ներկայացման շրջանակներում իր ելույթի ժամանակ ասաց Հայաստանում Եվրոպական միության պատվիրակության ղեկավար, դեսպան Անդրեա Վիկտորինը:
«Ուստի մենք կարեւոր ենք համարում կենսաքայքայման ենթակա բազմանգամյա օգտագործման տոպրակներին անցնելու Հայաստանի Կառավարության որոշումը»,- նշեց նա:
Բացի այդ, ըստ նրա, կարևոր նշանակություն ունի Կապանում կոշտ թափոնների վերամշակման ստարտափ-գործարանի գործունեությունը, ինչպես նաեւ` շատ ոլորտներում «կանաչ տեխնոլոգիաների» առավելագույն օգտագործման ձգտումը:
