Հայաստանի ոչ մի իշխանություն չի ցանկացել եւ չի ցանկանում գրագետ հասարակություն տեսնել: Այս մասին մարտի 9-ին լրագրողների հետ հանդիպման ժամանակ ասաց քաղտեխնոլոգ Կարեն Քոչարյանը:
Նա նկատեց, որ եթե նախկինում արվում էր՝ թեթեւացնելու համար 10 հազար դրամներ բաժանելու պրոցեսները, ապա այժմ դա արվում է, որպեսզի շատերն ասեն, որ վարչապետ Նիկոլ Փաշինյանի ամեն ասածը ճիշտ է: «Այստեղ խնդիրը հասարակության զարգացման ցածր մակարդակն է: Մեղավոր են բոլորը, այդ թվում մեդաիները, որոնք անճաշակություն են թելադրում»,- հավելեց փորձագետը:
«Ըստ էության, ո՛չ «ԱՅՈ»-ն, ո՛չ «ՈՉ»-ը չգիտեն, թե ինչի համար են հանդես գալիս, էլ չենք խոսում արդեն բնակչության մասին»,- պարզաբանեց քաղտեխնոլոգը:
Անդրադառնալով լուրերին, թե «ՈՉ»-ի շտաբի ներկայացուցիչները կաշառք են բաժանում, Կարեն Քոչարյանը նկատեց, որ եթե դա այդպես լիներ, ապա այդ դեպքերը վաղուց կբացահայտվեին՝ հաշվի առնելով այն, որ իշխանությունները դրա համար ունեն բոլոր ռեսուրսները: