2021 թվականի հունվարի 1-ից տնտեսվարող սուբյեկտները, որոնք շահագործում են այս կամ այն հանքերը, պետք է վճարեն արտադրական թափոնների հարկերը: Այս մասին այսօր Ազգային ժողովում հանքարդյունաբերության ոլորտում ներդրումային ծրագրերի օրինականությունն ու արժանահավատությունը ստուգելու հարցերով հանձնաժողովի նիստում ասաց շրջակա միջավայրի նախարար Էրիկ Գրիգորյանը:
Նրա խոսքով՝ հունվարի 1-ից կսկսվեն պետբյուջեում վճարումները, ինչը նախկինում չի եղել: Ընդ որում, նախարարի խոսքով, հարկերի չափերը կախված կլինեն շրջակա միջավայրի համար հանքի վտանգավորության մակարդակից եւ կսկսվեն 40 հազար դրամից:
Նախարարը նաեւ հայտնեց, որ նախարարությունն առաջարկում է մաքսատանը հատուկ կետ տեղադրել, որտեղ կվերահսկվեն հանքի որակն ու ծավալները, ինչպես նաեւ լաբորատոր հետազոտություններ կանցկացվեն:
Գրիգորյանի խոսքով՝ իրենց գործընկերներն առաջարկում են միջազգային լաբորատորիաներում հետազոտություններ անցկացնել: «Սակայն ամեն դեպքում բոլորը համաձայն են արտահանման վերահսկման անհրաժեշտության հետ»,- եզրափակեց նախարարը:
