Մարսի վրա քաղաքը «պետք է վերապրի, նույնիսկ եթե նավերը դադարեն Երկիր ժամանել այս կամ այն պատճառով»: Այս մասին Ars Technica-ի հետ զրույցում ասել է Իլոն Մասկը:
Մասկի խոսքով՝ գաղութը ինքնաբավ դարձնելու համար պետք է բաց չթողնել եւ ոչ մի մանրուք: «Մենք ունենք ամեն ինչ, բացի վիտամին C-ից: Հիանալի է: Այժմ մենք կհիվանդանանք ցինգայով եւ կմահանանք, ընդ որում, ցավալի մահով: Մենք դանդաղ եւ ցավոտ կմահանանք վիտամին C-ի պակասից: Այնպես որ, պետք է ստուգենք, որպեսզի Մարսի վրա բավարար վիտամին C ունենանք»,- ասել է նա:
Մասկի մոտավոր գնահատականներով՝ ինքնաբավ գաղութ ստեղծելու համար կպահանջվի առնվազն 1 միլիոն տոննա բեռ:
Վաշինգտոնում կայացած Satellite 2020 համաժողովի ժամանակ Մասկը քիչ լավատեսություն է հայտնել՝ կապված մարսյան ծրագրի հետ: «Եթե մենք չմեծացնենք առաջընթացի արագությունը, ապա ես չեմ ապրի մինչեւ Մարսի գաղութացումը»,- ասել է նա:
Մարսի վրա առաքելության իրականացման գլխավոր տեխնոլոգիական խոչընդոտը հրթիռների կառուցումն է:
«Իրականում միայն դա նշանակություն ունի: Այդ հրթիռը պետք է չափավոր մեծ եւ արագ լինի»,- ասել է Մասկը: