Մեր ասելիքի մեջ կա խոցելի կետ. դա այն է, որ ցավոք սրտի, սահմանադրական երեք փոփոխությունները, որ տեղի են ունեցել Հայաստանում դրանք նույնպես չեն արտահայտել ժողովրդի կամարտահայտությունը: Այս մասին այսօր՝ մարտի 11-ին, Գորիսում «Այո»-ի քարոզարշավի ժամանակ իր ելույթում նշեց ՀՀ վարչապետ Նիկոլ Փաշինյանը:
«Հիմա կա գաղափար, որ այս մարտավարական փոփոխությունն իրականացնելու համար ապրիլի 5-ի հանրաքվեին այո կասենք, որից հետո ՀՀ-ում կսկսվի նոր, լեգիտիմ Սահմանադրության ընդունման պրոցեսը, որը դե ֆակտո կլինի գործող Սահմանադրության վերախմբագրված տարբերակը: Պայմանավորվում ենք, որ կառավարման համակարգի փոփոխություն տեղի չի ունենա, որպեսզի սա չընկալվի, որ ահա, ես եկա, Սահմանադրությունը փոխում եմ, որ վարչապետ չլինեմ, դառնամ նախագահ եւ այլն: Այսինքն մնալու ենք խորհրդարանական կառավարման համակարգի տրամաբանության մեջ:
Բայց ես կարծում եմ, որ շատ կարեւոր է, որ ՀՀ-ու լինի Սահմանադրություն, որն իսկապես քվեարկվի եւ ընդունվի ժողովրդի ազատ կամարտահայտմամբ»,-ընդգծեց Փաշինյանը՝ հավելելով, որ արդեն իսկ Սահմանադրական բարեփոխումների հանձնաժողովը ստեղծված է»,-ասաց Նիկոլ Փաշինյանը:
Նա ընդգծեց, որ մեկ-երկու տարուց, գուցե հաջորդ խորհրդարանական ընտրություններին զուգահեռ, կամ եթե պարզվի, որ ժողովուրդը պահանջ ունի ավելի շուտ անել, ավելի շուտ ունենալ նոր Սահմանադրության նախագիծ ու դա դնել համաժողովրդական քվեարկության: «Փորձում ենք ունենալ մի Սահմանադրություն, որը հաստատված է ժողովրդի լեգիտիմ քվեով»,-ասաց նա: