Արտանիշը գտնվում է Սեւանա լճի հյուսիսում: Այնտեղ հետազոտություններ են անցկացվել, ապա պեղումներ, որոնց շնորհիվ հաջողվել է հայտնաբերել գերեզմանները, որոնք թվագրվում են մ.թ.ա. VII-VI դարեր: Այս մասին մարտի 11-ին լրագրողների հետ հանդիպման ժամանակ ասաց պեղումների մասնակից, հնագետ Մարիամ Ամիրյանը:
Հնագետի խոսքով՝ այդ շրջանում առաջին անգամ են նման հետազոտություններ եւ պեղուներ անցկացվում: նա հայտնեց, որ հնագետները այլ փորձագետների հետ համատեղ հողի քիմիական անալիզ են անցկացրել: Արդյունքում հայտնաբերվել է 2 գերեզման: «Երբ մենք սկսեցին հետազոտել այդ գերեզմանները, չէինք սպասում, որ կարող ենք այդքան մնացորդներ գտնել: Հայտնաբերվել են գանգեր եւ ինչպես մարդկանց, այնպես էլ կենդանիների ոսկորների որոշ մասեր»,- պարզաբանեց Ամիրյանը՝ հավելելով, որ մնացորդների հայտնաբերումից հետո առանձին հետազոտություններ են անցկացվել այդ վայրում գերեզմանների քանակը պարզելու համար:
Ինչպես իր հերթին հայտնեց անթրոպոլոգ Հասմիկ Սիմոնյանը, հայտնաբերվել է 14 գանգ, սակայն ընդհանուր առմամբ այնտեղ եղել են 28 մարդու մնացորդներ, որոնցից 3-ը՝ երեխայի մնացորդներ: Պարզ չէ նաեւ, թե արդյոք այդ մարդկանց մնացորդները տեղափոխվել են մի վայրից մյուսը: Սիմոնյանի խոսքով՝ մահացածների մարմինները դիահերձվել են, որից հետո այրվել են: «Հնարավոր է, որ նրանք հարազատներ են եղել, սակայն դա պետք է ուսումնասիրել եւ պարզել»,- ասել է նա: Նա նաեւ նշել է, որ Հայաստանում շատ գերեզմաններ պատկանում են ուշ բրոնզե եւ վաղ երկաթե դարերին:
Մասնագետը նաեւ հայտնեց, որ հայ հնագետներին կմիանան գերմանացի փորձագետները: Անթրոպոլոգը նկատեց, որ բացի մնացորդներին հայտնաբերվել են նաեւ մատանիներ, ականջօղեր եւ այլ զարդեր:
Հարցին, թե արդյոք այդ վայրը մտադիր են զբոսաշրջային գոտու վերածել, Մարիամ Ամիրյանը նշեց, որ դրա համար պետք է բավարար քանակության իրեր հայտնաբերել, որոնք լուրջ հետաքրքրություն կներկայացնեն մարդկանց համար:
