Եվրամիությունը դատապարտում է ԱՄՆ իշխանությունների միակողմանի որոշումը կորոնավիրուսիի բռնկման պատճառով երկիր եվրոպացիների մուտքի արգելքի մասին: Այս մասին նշված է Եվրոպական խորհրդի եւ Եվրահանձնաժողովի ղեկավարներ Շառլ Միշելի եւ Ուրսուլա ֆոն դեր Լյայենի համատեղ հայտարարության մեջ, որը հինգշաբթի տարածվել է Բրյուսելում:
«Եվրամիությունը հավանություն չի տալիս այն փաստին, որ ուղեւորությունների արգելքի մասին ԱՄՆ որոշումը ընդունվել է միակողմանի կարգով եւ առանց խորհրդակցությունների»,- նշված է հայատարարության մեջ, փոխանցում է ՏԱՍՍ-ը:
Միշելը եւ ֆոն դեր Լյայենը ընդգծել են, որ «կորոնավիրուսը գլոբալ ճգնաժամ է, չի սահմանափակված որեւէ մայրցամաքով»: «Եվ այն համագործակցություն է պահանջում, այլ ոչ թե միակողմանի գործողություններ,- նշված է փաստաթղթում: - Եվրամիությունը վճռական միջոցներ է ձեռնարկում վիրուսի տարածումը սահմանափակելու համար»: