News
Լրահոս
News
Երկուշաբթի
Հունիս 27
USD
409.64
EUR
433.52
RUB
7.69
Տեսնել լրահոսը

Հայաստանը կորոնավիրուսի թեստերը ստացել է նվիրատվություն՝ Ռուսաստանից եւ Ճապոնիայից. ներկրում չի եղել, այս պահին քննարկվում է նաեւ ներկրելու հարցը։ Այս մասին NEWS.am-ի հետ զրույցում հայտնեց ԱՆ հասարակայնության հետ կապերի բաժնի պետ Լիլիթ Բաբախանյանը։

«Այս պահին Հայաստանում կորոնավիրուսի բավարար չափի թեստեր ունենք։ Կոնկրետ թիվ չեմ կարող հրապարակել, որովհետեւ օրվա ընթացքում օգտագործվում են, այնուհետեւ համալրվում են։ Կարեւորն այն է, որ ունենք բավարար քանակի թեստեր»,- ասաց Բաբախանյանը։

Հարցին՝ ո՞ր երկրի արտադրությանն են պատկանում այդ թեստերը, Բաբախանյանն ասաց. «Չեմ կարող արտադրությունը ասել, բայց կարող եմ ասել, որ նվիրատվություն ենք ստացել Ռուսաստանից, Ճապոնիայից։ Ներկրում չի եղել, եղել է նվիրատվություն։ Քննարկվում է նաեւ մեր ուժերով ձեռքբերումը, այս պահին ունենք նվիրատվություններ, որոնցով էլ իրականացնում ենք թեստավորումը»։

Բաբախանյանը հայտնեց, որ թոքերի արհեստական վենտիլյացիա իրականացնող սարքերը նույնպես բավարար քանակի են. «Սակայն քննարկվում է նաեւ ձեռբերումը»։

Հարցին՝ արդյոք Հայաստանն ունի՞ մասնագետ՝ այդ թեստերի որակը ստուգելու համար, Բաբախանյանն ասաց, որ միջազգային թեստերն ունենում են միջազգային հավաստագրեր եւ անհրաժեշտություն չի լինում այստեղ ստուգելու։

NEWS.am-ը ՊԵԿ-ի լրատվության բաժնից հետաքրքրվեց՝ արդյոք անհատը կարո՞ղ է որեւէ երկրից որեւէ քանակության թեստեր ներմուծել Հայաստան,որտեղից պատասխանեցին. «Որեւէ ապրանքի ներկրման նոր սահմանափակում չկա»։

Հարցին՝ արդյոք այդ ապրանքի ներկրման դեպքում ներկրման մաքսային արժեքը գործելո՞ւ է, ՊԵԿ-ի մամուլի խոսնակ Լուսինե Մկրտչյանն ասաց, որ բոլոր ներկրման ապրանքներն ունեն մաքսային արժեք։

Նշենք, որ կորոնավիրուսով վարակվածների թիվն այս պահին հասել է 30-ի: Առաջին կորոնավիրուսով վարակված քաղաքացին արդեն առողջացել է:

Տպել
Կարդացեք նաև
Ամբողջը
Հայաստանում վերջին մեկ շաբաթում հաստատվել է կորոնավիրուսով վարակվելու 139 նոր դեպք. Մահացել է 1 մարդ
Վերջին մեկ շաբաթում կատարվել է 6968 թեստավորում: Մինչև այժմ կատարված...
Ընդդեմ Կովիդի. Առողջապահության նախարարությանը հատկացվեց 2,1 մլրդ դրամ
Կառավարությունն իր այսօրվա՝ հունիսի 23-ի նիստում որոշեց վերաբաշխում անել այս տարվա...
Հայաստանում վերջին մեկ շաբաթում հաստատվել է կորոնավիրուսով վարակվելու 60 նոր դեպք. Մահ չի գրանցվել
Վերջին մեկ շաբաթում կատարվել է 6968 թեստավորում: Մինչև այժմ կատարված...
Հայաստանում վերջին մեկ շաբաթում հաստատվել է կորոնավիրուսով վարակվելու 38 նոր դեպք. Մահ չի գրանցվել
Փաստացի այս պահին բուժվում է 67 պացիենտ, նվազել է 9-ով...
Մի քանի միլիոն դոլարի աղաղակող բացահայտումներ առողջապահության նախարարությունում. նախկին նախարարը լուռ է. «Ժողովուրդ»
Պետական կառավարման եւ տեղական ինքնակառավարման մարմինների կողմից փաստացի կատարված ծախսերի վերաբերյալ հաշվետվություններ նախարարություն…
Առողջապահության նախարարությունը 2021թ․ կորոնավիրուսի դեմ պայքարի համար մոտ 35,3 մլրդ դրամ է ծախսել. Անահիտ Ավանեսյան
Բացի այդ, այս շաբաթ կառավարությունն առողջապահության նախարարությանը կտրամադրի եւս 5,2 միլիարդ դրամ․․․
Ֆոտոռեպորտաժներ