ԵՄ առաջնորդները կքննարկեն կորոնավիրուսի տարածումը զսպելու ջանքերը, հաղորդում է AP-ը:
Եվրախորհրդի նախագահ Չառլզ Միշելը Թվիթթերում գրել է, որ նման հանդիպում է հրավիրում 2 շաբաթում արդեն երկրորդ անգամ:
«Կորոնավիրուսի տարածումը զսպելու ջանքերը, բժշկական սարքավորումների բավարար ապահովումը, տնտեսական հետեւանքների սահմանափակումը առանցքային գործոններից են»,- նշել է նա:
ԵՄ-ն իր բոլոր անդամ երկրներին կոչ է արել իրենց սահմաններին ստուգել մարդկանց առողջական վիճակը:
Երկուշաբթի հրապարակվել տվյալները վկայում են այն մասին, որ Եվրոպայում գրանցվել է կորոնավիրուսով վարակման 51 771 դեպք: Ընդհանուր առմամբ մահացել է 2316 մարդ, մեծ մասը՝ Իտալիայում:
«Հիմնական ապրանքներն ու դեղամիջոցները պետք է հնարավորինս անխոչընդոտ հատեն սահմանը: Սա համերաշխության եւ համագործակցության ժամանակն է»,- Թվիթթերում գրել է ԵՄ առողջապահության հարցերով հանձնակատար Ստելլա Կիրիակիդեսը: