Այսօր՝ մարտի 17-ին, ժամը 19:00-ի սահմաններում Գյումրու Տիգրան Մեծ փողոցի տներից մեկում 14-ամյա տղա է ինքնասպան եղել: Այս լուրը NEWS.am-ին հաստատեց ՀՀ դատախազության հասարակայնության հետ կապերի պատասխանատու Արեւիկ Խաչատրյանը:
Դեպքի առթիվ հարուցվել է քրեական գործ ՀՀ ՔՕ 110 հոդվածի հատկանիշերով (ինքնասպանության հասցնելը): Կատարվում է նախաքննություն:
Նշենք, որ Tsayg.am-ը գրում է, որ դեպքը տեղի է ունեցել Տիգրան Մեծ փողոցի տներից մեկում: Ընտանիքն ապրում էր այլ հասցեում: Այն տանը որտեղ հայտնաբերվել է երեխան, պատկանել է պապին: Տունը ընտանիքը վերջին ժամանակահատվածում հանել էր վաճառքի: Հարեւանները պատմել են, որ ընտանիքն այդ տան դուռը հազվադեպ է բացել: Ինչպես եւ երբ է տղան եկել, դուռը բացել ու տուն մտել ոչ ոք չի նկատել: Հայտնի է, որ տղային հայտնաբերել է հայրը: Դեպքի վայրում աշխատում են ոստիկանները: Ըստ հարեւանների երեխան հայտնի պաշտոնյայի թոռ է, ով նախկինում աշխատել է Գյումրու քաղաքապետարանում:
