Օրվա ավարտին կունենանք մոտ 600 մեկուսացված քաղաքացիներ։ Այս մասին այսօր՝ մարտի 17-ին, ֆեյսբուքյան լայվով հայտարարեց ՀՀ առողջապահության նախարար Արսեն Թորոսյանը։
Նախարարը հայտնեց, որ կորոնավիրուսով վարակվածների 95 տոկոսը որեւէ սիմպտոմ չունի. «Այսինքն՝ նրանք ունեցել են ջերմություն, կոնտակտ են ունեցել որեւէ պացիենտի հետ՝ հաստատված դեպքով, կամ այլ երկրից են եկել, որտեղ այդ վիրուսը տարածված է եղել։ Կան երկրներ, որտեղ քաղաքացիները չունեն ջերմություն բայց կորոնավիրուսային վարակի հաստատված դեպք, նրանք չեն հոսպիտալացվում, նրանց պարզապես տնային պայմաններում հսկում են։ Մենք հաստատված դեպքերին դեռեւս պահում ենք հիվանդանոցային պայմաններում, նրանց կոնտակտներին ինքնամեկուսացված ենք պահում որպեսզի կարողանանք տարածման շղթան կոտրել»։
Նշենք, որ քիչ առաջ նախարարը հայտնեց, որ կորոնավիրուսով վարակվածների թիվը դարձել է 78։