Իրանում կորոնավիրուսից 103 տարեկան կին է ապաքինվել, հաղորդում է IRNA-ն:
«Կորոնավիրուսով վարակված 103-ամյա կինն ապաքինվել է»,- ասել է Սեմնան նահանգի առողջապահության եւ բժշկական գիտությունների համալսարանի ղեկավարը՝ հավելելով, որ պացիենտը հիվանդանոց էր տեղափոխվել մոտ մեկ շաբաթ առաջ:
Նա դարձել է Իրանում կորոնավիրուսով վարակված եւ ապաքինված առաջին տարեց կինը, հաղորդում է ՌԻԱ Նովոստին:
Իրանի իշխանությունները կորոնավիրուսով վարակման մասին հայտնել են փետրվարի 19-ին: Երկրում գրանցվել է վարակման 17,3 հազար դեպք, որոնցից 1,1 հազարը՝ մահվան ելքով: Ավելի քան 5,7 հազար մարդ ապաքինվել է:
Աշխարհում COVID-19 կորոնավիրուսով վարակավել է ավելի քան 179 հազար մարդ ավելի քան 150 երկրներում, մեծ մասը ապաքինվել է, ավելի քան 7,4 հազար մարդ մահացել է:
