ՀՀ կառավարությունը չի թերագնահատել կորոնավիրուսի տարածման վտանգը։ Այս մասին այսօր՝ մարտի 18-ին, «Շանթ» Հ/Ը «Հեռանկար» հաղորդման եթերում ասաց ՀՀ վարչապետ Նիկոլ Փաշինյանը՝ պատասխանելով հարցին՝ արդյոք Կառավարությունը կորոնավիրուսի տարածման վտանգը թերագնահատե՞լ է։
«Ոչ, որովհետեւ դեռեւս հունվարի 30-ին, իմ որոշմամբ ստեղծվել է աշխատանքային խումբ՝ կորոնավիրուսի տարածումը ՀՀ-ում կանխարգելելու նպատակով։ Նշանակում է, որ մենք պատկերացրել ենք եւ գնահատել ենք, որ մենք որոշակի վտանգներ կրող ենք, որովհետեւ մենք ապրում ենք գլոբալ աշխարհում եւ վերջին մեկուկես տարվա ընթացքում Հայաստանի կապվածություն արտաքին աշխարհի հետ էականորեն ընդլայնվել է, պարզ էր, որ Չինաստանում տեղի ունեցող պրոցեսներն ինչ-որ մի պահի հասնելու են Հայաստան։ Մենք հույս ունեինք՝ լավ զարգացումների եւ պատրաստվում էինք վատագույնին»։
