Հյուսիսային Մակեդոնիան մոտ ժամանակում կդառնա ՆԱՏՕ-ի 30-րդ անդամը, դաշինքի բոլոր անդամներն ավարտել են նրա անդամակցության մասին արձանագրության վավերացման գործընթացը: Այս մասին այսօր հայտարարել է Հյուսիսատլանտյան դաշինքի գլխավոր քարտուղար Յոնս Ստոլտենբերգը՝ ներկայացնելով 2019 թվականին ՆԱՏՕ-ի վիճակի մասին իր ամենամյա զեկույցը, փոխանցում է ՏԱՍՍ-ը:
«Բոլոր դաշնակիցներն արդեն ավարտել են անդամակցության մասին արձանագրության վավերացման գործընթացը: Հյուսիսային Մակեդոնիան ՆԱՏՕ-ի անդամ կդառնա ամենամոտ ժամանակում»,- հայտարարել է նա: