News
Լրահոս
News
Երկուշաբթի
Նոյեմբեր 30
USD
508.21
EUR
605.94
RUB
6.7
ME-USD
0.01
Տեսնել լրահոսը

Համաշխարհային տնտեսությունն արդեն գտնվում է ռեցեսիայի (ստիճանական ետաճում) վիճակում, քանի որ կորոնավիրուսի պանդեմիայի հետեւանքով տնտեսական գործունեությանը հասցված հարվածն արդեն տարածվել է բազմաթիվ ոլորտներում: Այս կարծիքին է Reuters գործակալության կողմից հարցված տնտեսագետների մեծ մասը:

COVID-19 համաճարակը ֆինանսական շուկաներին շոկի է հասցրել, որն ամենախոշորն է 2008-ի համաշխարհային ֆինանսական ճգնաժամից ի վեր: Այս մասին արդեն հայտարարել են Եվրոպայի, Ամերիկայի, Ասիայի եւ Ավստրալիայի տասնյակ կենտրոնական բանկեր:

Ներդրողները խուճապով են տրամադրված բաժնետոմսերի, պարտատոմսերի, ոսկու եւ ապրանքների գների նկատմամբ, ինչը ընդգծում է լուրջ տնտեսական վնասի ակնկալիքը կորոնավիրուսի բռնկումից, հայտնում է  «Ամերիկայի Ձայնը»

Հյուսիսային ու Հարավային Ամերիկայի երկրներից այս շաբաթ հարցված տնտեսագետների ավելի քան երեք քառորդը ((31-ը` 41-ից), պատասխանելով հարցին` արդյոք համաշխարհային տնտեսությունը անկման վիճակում է գտնվում, ասել են, որ տնտեսական աճն ամբողջ աշխարհում արդեն ավարտվել է: «Անցած շաբաթ մենք եկանք այն եզրակացության, որ COVID-19 բռնկումից ցնցումը գլոբալ ռեցեսիայի կհանգեցնի` փետրվարից ապրիլ ամիսներին բոլոր պայմանագրերի կրճատման պատճառով»,- ասել է JP Morgan-ում գլոբալ տնտեսական հետազոտությունների ղեկավարը Բրյուս Կասմանը: «Այլեւս կասկած չկա, որ պատմության մեջ ամենատեւական համաշխարհային տնտեսական աճը կավարտվի այս եռամսյակում: Ապագայի հետ կապված կարեւորագույն հարցն այժմ կայանում է 2020-ի ռեցեսիայի խորությունն ու տեւողությունը գնահատելն է»,- հավելել է Կասմանը:

Տնտեսագետները վերջին մեկ ամսվա ընթացքում բազմիցս իջեցրել են աճի իրենց  կանխատեսումները եւ ավելացրել են ռեցեսիայի հավանականության կանխատեսումները աշխարհի խոշորագույն տնտեսությունների մեծ մասում:Առավել հոռետեսական սցենարները, որոնց մասին խոսվում էր ընդամենը մի քանի շաբաթ առաջ, արդեն իսկ կենտրոնական են դարձել Reuters-ի հետազոտությանը մասնակցող տնտեսագետների մեծամասնության համար:

Ըստ BofA-ի գլոբալ տնտեսության բաժնի ղեկավար Իթան Հարիսի` աշխարհի երեք խոշորագույն տնտեսություններից երկուսը` ԱՄՆ-ն և եվրագոտին, բացասական աճ կտեսնեն, իսկ Չինաստանի տնտեսությունն աննշան կաճի` 1.5 տոկոսով: «Վիրուսից ցնցման [տնտեսության համար] մասին մեր առաջին հրապարակումը կոչվում էր «Վատ կամ ավելի վատ», իսկ այժմ մենք կփոխենք անվանումը` «Իսկապես վատ կամ շատ ավելի վատ»: Այժմ մենք ակնկալում ենք, որ COVID-19-ը գլոբալ ռեցեսիայի կհանգեցնի 2020 թվականին, որն իր մասշտաբով համարժեք կլինի 1982 եւ 2009 թվականների ռեցեսիաներին»,- ասում է Հարիսը: Կանխատեսվում է, որ այս տարի համաշխարհային տնտեսությունը կաճի 1.6 տոկոսով, ինչը Reuters-ի հունվարյան հարցման մեջ կանխատեսվող 3.1 տոկոսի կեսն է կազմում, եւ այդ աճն ամենաթույլը կլինի 2007-2009 թվականների համաշխարհային ֆինանսական ճգնաժամից ի վեր: 2020 թվականին ՀՆԱ-ի գլոբալ աճի կանխատեսումները տատանվում են -2.0-ից 2.7 տոկոսոի միջեւ:

«Կորոնավիրուսի դեպքերը ավելացմանը զուգահեռ համաշխարհային տնտեսությանը հասցված վնասը կուժեղանա: Մենք իջեցրել ենք համաշխարհային ՀՆԱ-ի աճի մեր կանխատեսումները տարեկան մինչեւ 1.25 տոկոս. սա ավելի քիչ է, քան 1981-82 եւ 2008-09 թվականներին, սակայն ավելի վատ է, քան 1991 եւ 2001 թվականների ճգնաժամերի ժամանակ»,- նշում են Goldman Sachs-ի հետազոտողները: «Համապատասխանաբար` մեր տնտեսագետները ռեցեսիաներ են ակնկալում Եվրոպայում, Ճապոնիայում, Կանադայում եւ, հավանաբար, Միացյալ Նահանգներում»:

ԱՄՆ տնտեսությունն այս տարի, հավանաբար, ռեցեսիա կապրի, եթե արդեն չի ապրում, վկայում են ԱՄՆ Դաշնային պահուստային ծառայության կողմից ձեռնարկված շտապ միջոցառումներից հետո անցկացված հարցման արդյունքները, որոնք հրապարակվել են հինգշաբթի: «ԱՄՆ-ի տնտեսությունը շոկի կենթարկվի այս կորոնավիրուսից, եւ ես կարծում եմ, որ դեռեւս մեծ անորոշություններ կան շոկի ժամանակահատվածի չափի, խորության եւ տևողության վերաբերյալ,- ասում է Pacific Investment Management Co.-ի (PIMCO) տնտեսագետ Թիֆանի Ուիյլդինգը:- Մենք դեռ մտածում ենք դրա շուրջ: Մենք կարծում ենք, որ այս տարի ԱՄՆ-ում, հավանաբար, ոչ մեծ տեխնիկական անկում տեղի կունենա»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Կորոնավիրուսի դեմ «Էպի ՎակԿորոնա» ռուսական պատվաստանյութը քաղաքացիների մոտ կշրջանառվի դեկտեմբերին
Ներկայում հոկտեմբերի 13-ին պատվաստանյութը գրանցելուց հետո մենք արդեն արտադրել են դրա 35 հազար չափաբաժին…
Թուրքիայում կորոնավիրուսի շուրջ իրավիճակը հաստատում է փորձագետների ամենավատ մտավախությունները
Այս շաբաթ Թուրքիայի կառավարությունը վերսկսել է կորոնավիրուսի վիճակագրության ներկայացումը՝ նշելով ոչ միայն ախտանշաններ ունեցող պացիենտների թիվն, այլ նաեւ ասիմպտոմ դեպքերը…
Ճապոնիայում գրանցվել է կորոնավիրուսի ծանր ընթացքով հիվանդների ռեկորդային թիվ
Բացի այդ, երկրում մեկ օրվա ընթացքում կորոնավիրուսի թեստերի արդյունքում դրական պատասխան է գրանցվել 2 058 մարդու մոտ: Նոր դեպքերի մեծամասնությունը (418) գրանցվել է Տոկիոյում…
Մադրիդում հազարավոր բուժաշխատողներ քայլերթ են կազմակերպել՝ բողոքելով առողջապահության ոլորտում կրճատումների դեմ
Երգելով «ավելի քիչ դրոշներ, ավելի շատ բուժքույրեր» արտահայտությունը՝ շուրջ 4000 ցուցարար քայլել է Իսպանիայի մայրաքաղաքի փողոցներով…
Ֆրանսիան կվերանայի եկեղեցիներ այցելելու կարգը կորոնավիրուսի համավարակի կապակցությամբ
Համաձայն Պետական խորհրդի հայտարարության՝ տաճարներում կիրառվող միջոցները COVID-19-ով վարակվելու սպառնալիքի հետ համաչափ չեն…
Հարավային Կորեայում կորոնավիրուսի պատճառով արգելել են ամանորյա երեկույթները
Ներկայում Հարավային Կորեայում նկատվում է կորոնավիրուսով վարակման ամենասրընթաց աճը վերջին 9 ամիսների ընթացքում...
Ամենաշատ