Յունիբանկը, հավատարիմ մնալով բիզնեսին աջակցելու իր քաղաքականությանը, միանում է կորոնավիրուսի տնտեսական հետեւանքների չեզոքացմանն ուղղված ՀՀ կառավարության նախաձեռնությանը: ՀՀ վարչապետ Նիկոլ Փաշինյանի կողմից ներկայացված միջոցառման շրջանակներում Յունիբանկը սկսում է վարկային հայտերի նախնական հավաքագրումը:
Օժանդակության նպատակն է տնտեսավարողների համար ժամանակ շահելու հնարավորություն ստեղծել՝ պահանջարկի փոփոխվող պայմաններին արձագանքելու եւ ըստ այդմ գործունեությունը շարունակելու կամ վերադասավորվելու ու փոփոխված տնտեսական իրավիճակին հարմարվելու որոշումների կայացման համար։
Իրավաբանական անձինք եւ անհատ ձեռներեցները վարկային ծրագրից օգտվելու համար կարող են դիմել բանկ՝ [email protected] էլեկտրոնային փոստի միջոցով: Վարկերը տրամադրվելու են մինչեւ 24 ամիս ժամկետով եւ անկանխիկ եղանակով՝ հստակ նշված նպատակների համար:
Վարկավորման մանրամասն պայմանների հրապարակումը եւ դիմումների ուսումնասիրությունը բանկը կսկսի միջոցառման շրջանակներում ծրագրի վերջնական հաստատումից հետո:
