ԵՊՀ լրատվության վարչության ղեկավար Գեւորգ Էմին-Տերյանի ֆեյսբոււքյան գրառումը, թե ես իրենց ստիպել եմ գալ համալսարան եւ այնտեղից աշխատել, սուտ է: Այս մասին այսօր` մարտի 23-ին, NEWS.am-ի հետ զրույցում ասաց ԵՊՀ ռեկտորի պաշտոնակատար Գեղամ Գեւորգյանը:
«Գրառման բովանդակությունն իրականությանը չի համապատասխանում. սուտ է: Իրենց առաջարկվել է տանից աշխատել, եթե իրենք եկել են համալսարան, այդ դեպքում ոչինչ անել չեմ կարող: Ինչպես բոլորը, այնպես էլ իրենք կարող էին աշխատել տանից»,- ասաց Գեղամ Գեւորգյանը:
Ավելի վաղ Էմին-Տերյանը ֆեյսբուքյան իր էջում գրառում էր արել թե Գեղամ Գեւորգյանը պահանջում է` Հանրային կապերի ծառայության աշխատակիցներին գնալ աշխատանքի: