Մարտի 23-ին, ժամը 12:39-ին Ճգնաժամային կառավարման ազգային կենտրոն ահազանգ է ստացվել, որ Արմավիրի մարզի Բաղրամյան գյուղի Գարեգին Նժդեհի փողոցի տներից մեկի հարևանությամբ այրվում է կուտակած անասնակեր: Այս մասին հայտնում են ԱԻՆ լրատվական ծառայությունից:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Հրդեհը մեկուսացվել է ժամը 13:14-ին, մարվել՝ 14:16-ին: Այրվել է մոտ 300 հակ անասնակեր:
