Եվրոպական միությունը Իրանին 20 մլն եվրոյի հումանիտար օգնություն կուղարկի, որպեսզի օգնի մեղմացնել կորոնավիրուսի բռնկումը, ինչպես նաեւ կսատարի Թեհրանի ֆինանսական օգնության հայտը Արժույթի միջազգային հիմնադրամին։ Այս մասին հայտարարել է ԵՄ դիվանագիտության ղեկավար Ջոզեպ Բորելը, հայտնում է Reuters-ը։
«Մենք չկարողացանք մեծ հումանիտար օգնություն ցուցաբերել, սակայն ընթացքի մեջ է 20 միլիոն եվրոն, որը մենք հույս ունենք տեղ հասցնել հաջորդ շաբաթների ընթացքում»,- հայտարարել է Բորելը։ «Մենք նաեւ համաձայն ենք սատարել ֆինանսական աջակցություն ցուցաբերելու Իրանի, ինչպես նաեւ Վենեսուելայի խնդրանքը Արժույթի միջազգային հիմնադրամին»,- ասել է նա ԵՄ արտգործնախարարների տեսահամաժողովից հետո, սակայն ավելի մանրամասն տեղեկատվություն չի ներկայացրել։
