Կալիֆորնիա նահանգի իշխանությունները թոքերի արհեստական օդափոխության ավելի քան 1.2 հազար ապարատ են ստացել ամերիկացի ձեռներեց Իլոն Մասկից, ում են պատկանում Tesla եւ SpaceX ընկերությունները: Համապատասխան հայտարարությունը Կալիֆորնիայի նահանգապետ Գեվին Նյուսոմն արել է երկուշաբթի կայացած մամուլի ասուլիսին, փոխանցում է ՏԱՍՍ-ը:
«Մի քանի օր առաջ ես խոսեցի այն մասին, թե ինչպես է Իլոն Մասկը պատրաստվում մեկ շաբաթվա ընթացքում մեզ թոքերի օդափոխության հազար ապարատ տրամադրել,- ասել է Նյուսոմը:- Դրանք արդեն Լոս Անջելեսում են: Սա հերոսական քայլ է»:
Ինքը` Իլոն Մասկը, Twitter-ում պարզաբանել է, որ այս դեպքում խոսքը իր նկերություններից մեկի կողմից արտադրվող թոքերի արհեստական օդափոխության ապարատների մասին չէ: Ըստ ձեռնարկատիրոջ` նա 1255 սարք է ձեռք բերել չիանական տարբեր արտադրողներից, ինչից հետո դրանք բերվել են Միացյալ Նահանգներ: