Ավստրալիան արգելել է մարդկանց սնվել առեւտրի կենտրոնների ֆուդ-կորտերում եւ սահմանափակել է մարդկանց մասնակցության թիվը հարսանեկան, հոգեհանգստյան արարողություններում եւ հասարակական միջոցառումներին՝ խստացնելով կորոնավիրուսի տարածումը զսպող միջոցառումները, հայտնում է Reuters-ը։
«Ես գիտեմ, որ դա զգալի զոհաբերություն կլինի»,- նահանգների եւ տարածաշրջանների ղեկավարների հետ հանդիպումից հետո լրագրողներին Կանբերում հայտարարել է վարչապետ Սքոթ Մորիսոնը։
Կփակվեն կոսմետիկական թերապիայով զբաղվող հաստատությունները, տատու-սալոնները եւ առողջապահության այլ հարակից ծառայությունները։ Նրա խոսքերով՝ նաեւ արգելվել է անշարժ գույքի առուվաճառքը եւ աճուրդները։
Հարսանիքները կարող են կատարվել 5 մարդու ներկայությամբ, հուղարկավորությունները՝ 10, իսկ բաց երկնքի տակ հասարակական միջոցառումները հնարավոր են 10-ից ոչ ավելի մարդու մասնակցությամբ։