ԱՄՆ-ն 1 մլրդ դոլարով կրճատել է Աֆղանստանին տրամադրվող օգնությունը: Այս մասին հայտարարել է ԱՄՆ պետքարտուղար Մայք Պոմպեոն այն բանից հետո, երբ իրեն հաջողվել է Աֆղանստանի նախագահ Աշրաֆ Հանիին եւ նրա քաղաքական հակառակորդ Աբդուլլահին համոզել դադարեցնել թշնամությունը, որը կարող է սպառնալիքի տակ դնեմ ԱՄՆ ղեկավարության խաղաղ ջանքերը, հաղորդում է Reuters-ը:
Պոմպեոն հայտարարել է, որ ԱՄՆ-ն «խորապես ցավում է», որ Հանին եւ Աբդուլլահը «չեն կարողացել համաձայնության գալ»: Նա հավելել է, որ այդ ձախողումը «վնաս է հասցրել ամերիկա-աֆղանական հարաբերություններին, եւ, ցավոք, ամոթալի է ամերիկացիների, աֆղանցիների եւ կոալիցիայի գործընկերների համար, որոնք նվիրաբերում են իրենց կյանքերը»:
Պոմպեոն հայտնել է, որ ԱՄՆ-ն 2021 թվականին եւս 1 մլրդ դոլարով կկրճատի օգնությունը:
Հանին ասել է, որ օգնության կրճատումը չի ազդի առանցքային ոլորտների վրա:
Երկու աղբյուրներ Reuters-ին հայտնել են, որ Աբդուլլահը ցանկանում է փոխել սահմանադրությունը, որպեսզի վարչապետի պաշտոն ստեղծի եւ կրճատի նախագահի լիազորությունները:
