News
Լրահոս
News
Կիրակի
Հուլիս 14
Տեսնել լրահոսը


Ոչ բոլոր քաղաքացիներն են կարող հետևել ՀՀ կառավարության կոչին եւ մնալ տանը, քանի որ գործատուներն իրենց դրա համար չեն վճարելու: Այս մասին մարտի 24-ին ՀՀ Ազգային ժողովի նիստին կայացած խորհրդարանական ժամին հայտարարեց «Լուսավոր Հայաստան» կուսակցության պատգամավոր Անի Սամսոնյանը:

Խորհրդարանականը նշեց, որ արդյունքում մարդիկ ստիպված են լինում շարունակել աշխատանքի գնալ՝  վտանգելով ինչպես իրենց, այնպես էլ մյուսների առողջությունը:
Սամսոնյանը շեշտեց, որ կան մարդիկ, ովքեր չեն կարողանում իրենց աշխատանքը հեռակա կարգով իրականացնել, եւ չկան օրենսդրական դրույթներ, որոնք գործատուներին պարտավորեցնում են աշխատողներին վճարել ժամանակավոր անգործության տվյալ ժամանակահատվածի համար:

«Այս օրերին բազում մտահոգիչ հաղորդումներ են ստացվում այն մասին, որ շատերն աշխատանքի չեն գնացել, քանի որ պետությունը միջամտել եւ «փակել է» իրենց աշխատատեղերը, նրանք ծանր սոցիալական իրավիճակում են հայտնվել»,- պարզաբանեց պատգամավորը:

Նա նաեւ հայտնեց, որ, ըստ որոշ տեղեկությունների, Էջմիածնի հիդրոէլեկտրակայանի աշխատակիցներն այցելում են տներն ու պահանջում վճարել պարտքերը` սպառնալով հակառակ դեպքում անջատել լույսերը:

Սամսոնյանը կառավարությանը կառավարությանը կոչ արեց քննարկել իրավիճակը կոմունալ ծառայություններ մատուցող ընկերությունների հետ եւ լուծումներ գտնել, որոնք կաթվածահար չեն անի մասնավոր ընկերությունների եւ տնտեսվարող սուբյեկտների աշխատանքը:

Հիշեցնենք, որ ՀՀ կառավարությունը արտակարգ դրություն է հայտարարել: Արտակարգ դրությունն ուժի մեջ է ամբողջ Հայաստանում 2020 թվականի մարտի 16-ից 18:00-ից մինչեւ ապրիլի 14-ը ժամը 17:00-ն: Հայաստանում կորոնավիրուսի առաջին դեպքը գրանցվել էր մարտի 1-ին:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ԱՄՆ փոխնախագահի ամուսինը վարակվել է նոր կորոնավիրուսով
Հարիսի ամուսինը վարակվել է նոր կորոնավիրուսով...
Ադրբեջանը հերթական անգամ երկարաձգել է հատուկ կարանտինային ռեժիմը
Ադրբեջանն աշխարհում միակ երկիրն է, որտեղ իբր պահպանվում է «կորոնավիրուսային վարակի...
Եվրահանձնաժողովի ղեկավարը և Pfizer-ի գործադիր տնօրենը ներգրավված են պատվաստանյութի հետաքննվող գործում
Ավելի ուշ նրան են միացել Հունգարիայի և Լեհաստանի կառավարությունները...
Բրազիլիայի նախագահին մեղադրում են կորոնավիրուսի դեմ պատվաստվելու հարցում թույլ տված խարդախությունների համար
Նա հաստատել է, որ չի պատվաստվել․․․
Ադրբեջանում հերթական անգամ երկարացվել է հատուկ կարանտինային ռեժիմը
Ադրբեջանում երկարացվել է կարանտինը...
COVID-19-ի ժամանակ կիրառված սահմանափակումների հետևանքով տնտեսական զարգացումը կարող է 40 տարով դանդաղել աշխարհում
Կարող են գնաճային ռիսկեր դիտվել․․․
Ամենաշատ