Ռուսաստանը վճռականորեն կոչ է անում Վաշինգտոնին անհապաղ հանել Իրանի հանդեպ հակամարդասիրական պատժամիջոցները, որոնք խանգարում են համապատասխան կառավարություններին լիարժեք պայքարել COVID-19 կորոնավիրուսի դեմ։ Այս մասին իր իրանցի գործընկեր Մուհամմեդ Ջավադ Զարիֆի հետ հեռախոսազրույցում հայտարարել է ՌԴ ԱԳ նախարար Սերգեյ Լավրովը։

Զրուցակիցները քննարկել են կորոնավիրուսի համավարակի հետ կապված հարցեր։ Բարձր գնահատական է տրվել երկկողմ համագործակցությանը եւ այդ գլոբալ մարտահրավերներին։

Ռուսական կողմից հաստատվել է ռուս-իրանական առեւտրատնտեսական հարաբերությունների համակողմանի զարգացումը, այդ թվում՝ գյուղատնտեսական ապրանքների մատակարարումները շարունակելու մտադրությունը։

Լավրովն ընդգծել է, որ Ռուսաստանի Դաշնությունը վճռականորեն կոչ է անում Վաշինգտոնին անհապաղ հանել իր հակամարդասիրական պատժամիջոցները, որոնք խանգարում են լիարժեք պայքարել կորոնավիրուսի տարածման դեմ։

Կարծիքներ են փոխանակվել միջազգային օրակարգի արդիական հարցերի, այդ թվում՝ սիրիական կարգավորման եւ Աֆղանստանում իրավիճակի շուրջ։