News
Լրահոս
News
Շաբաթ
Օգոստոս 15
USD
484.83
EUR
571.91
RUB
6.61
ME-USD
0.01
Տեսնել լրահոսը

Ամերիկյան մի քանի նահանգների իշխանությունները լեփ-լեցուն բանտերում կորոնավիրուսի տարածման մտավախության պատճառով սկսել են ազատել ոչ ծանր հանցագործությունների համար դատապարտվածներին, հայտնում է The Wall Street Journal-ը (WSJ): Պարբերականի տեղեկություններով՝ ազատվում են, մասնավորապես, տարեցները եւ առողջական վատ վիճակով բանտարկյալները:

Կալիֆոռնիա, Նյու Յորք, Օհայո եւ Տեխաս նահանգների իշխանությունները ընդունել են նաեւ բանտեր այցելուների հասանելիությունն արգելող, ուղղիչ հաստատության տարածքում բանտարկյալների տեղաշարժը սահմանափակող որոշում:

WSJ-ի տեղեկություններով՝ արդեն դեպքեր են եղել, երբ կորոնավիրուսի ախտորոշման դրական թեստ են ստացել անվտանգության աշխատակիցներ Փենսիլվանիայում, Միչիգանում, Նյու Յորքում եւ Վաշինգտոնում: Այսպես՝ մայրաքաղաքում հիվանդացել է դատապարտյալներին բանտ տեղափոխելու պատասխանատուն, նրանից կարող էին վարակվել նաեւ կալանավորները: Նյու Յորքում կորոնավիրուսի կասկածով լրացուցիչ մեկուսացվել է 30 բանտարկյալ:

Փորձագետների տեղեկություններով՝ ամերիկյան բանտերում պահվում է 55 տարեկանից մեծ ավելի քան 164 հազար մարդ: Եթե նրանք վարակվեն, ազատազրկման վայրերում հետագա մնալու դեպքում անձնակազմը նրանց օգնելու իրական հնարավորություն չի ունենա: Չկան նաեւ հիվանդացածներին մեկուսացնելու լրացուցիչ տեղեր:

Իշխանությունները հավաստիացրել են, որ խոսք չի գնում մասշտաբային ազատումների մասին: Կազատեն միայն նրանց, ովքեր ծանր հանցագործություններ չեն կատարել:

Ջոն Հոփքինսի համալսարանի տվյալներով՝ ԱՄՆ-ում ընդհանուր 35 224 վարակված կա: Ըստ հիվանդացածների թվի՝ երկիրն աշխարհում գրավում է 3-րդ տեղը՝ Չինաստանից եւ Իտալիայից հետո: Մահացել է 400-ից ավելի մարդ: Ամենամեծ թվով զոհեր գրանցվել են Նյու Յորք եւ Վաշինգտոն նահանգներում:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Վաղ հայտնաբերումն է կարևոր, այդ դեպքում կարող ենք զգալիորեն կոտրել վիրուսի ողնաշարը․ բժիշկ-համաճարակաբան
Հիմա համաճարակի զարգացման տեմպը նվազել է, բայց թե ինչ արդյունք կունենանք աշնանը, դա դեռ հարցական է....
Կորոնավիրուսի դեմ ռուսական պատվաստանյութի փորաձարկումների երրորդ փուլը կանցկացվի ամբուլատոր պայմաններում
«Իհարկե, կամավորները նախապես չեն հոսպիտալացվի»,-ասել է նա...
Ռուսաստանում սկսվել է կորոնավիրուսի դեմ պատվաստանյութի արտադրությունը
Ռուսաստանն աշխարհում առաջինը գրանցել է կորոնավիրուսի դեմ պատվաստանյութը օգոստոսի 11-ին...
Ռուսաստանում մեկ օրում գրանցվել է կորոնավիրուսով վարակման 5061 նոր դեպք
Վարակվածների ընդհանուր թիվը հասնում է 917 884-ի...
Արցախում նոր կորոնավիրուսային վարակի 1 նոր դեպք է հաստատվել
Մինչ այսօր կատարվել է 7 813 փորձանմուշի հետազոտություն…
Վրաստանում մեկ օրում հայտնաբերվել է կորոնավիրուսով վարակման 15 նոր դեպք
Պանդեմիայի սկզբից կորոնավիրուսից ապաքինվել է 1088 մարդ, մահացել է 17 մարդ...