News
Լրահոս
News
Հինգշաբթի
Ապրիլ 09
USD
496.58
EUR
539.43
RUB
6.56
ME-USD
0.04
Տեսնել լրահոսը

«Մեյմանդարի» շուկայում պահպանված չեն պարետի կողմից տրված ցուցումներն ու որոշումների պահանջները։ Այս մասին այսօր՝ մարտի 25–ին ֆեյսբուքյան իր էջում գրել է փաստաբան Նորիկ Նորիկյանը եւ կից լուսանկարաներ հրապարակել։ Նա մասնավորապես նշել է.

«Հրավիրում եմ կառավարության եւ պատկան այլ մարմինների ուշադրությունը։ Այս լուսանկարներն արվել են այսօր: Սա Արարատի մարզի Գայ համայնքի վարչական տարածքում գտնվող «Մեյմանդարի» հայտնի բնամթերքի մեծածախ շուկան է, որտեղից ամեն օր առևտուր են իրականացնում Հանրապետության ողջ տարածքի բանջարեղենի բիզնեով զբաղվող հազարավոր մարդիկ:

Նկարներից պարզ է դառնում, որ պահպանված չէ պարետի կողմից տրված ցուցումներն ու որոշումների պահանջները: Մասնավորապես՝ հիմք ընդունելով արտակարգ դրություն հայտարարելու մասին ՀՀ կառավարության 16.03.2020թ.-ի №298-Ն որոշումը, պարետը ցուցում է տվել մի մի շարք գերատեսչությունների, միաժամանակ հաստատելով ուղեցույց, համաձայն որի՝

Նոր տեսակի կորոնավիրուսային հիվանդության (COVID-19) (այսուհետ՝ վարակ) տարածումը կանխելու և աշխատողների համար անվտանգ և առողջության համար անվնաս պայմաններ ապահովելու նպատակով կազմակերպությունների աշխատողների համար աշխատանքի անվտանգ կազմակերպման նպատակով պետք է՝

1. Ապահովել պայմաններ՝ ձեռքերի կանոնավոր և մանրակրկիտ լվացման (լվացարաններ), չորացման համար: Աշխատավայրում ապահովել ջրի և օճառի, ալկոհոլային հիմքով ձեռքերի ախտահանիչների, եռաշերտ դիմակների, ձեռնոցների առկայությունը:

2. Ապահովել դիմակների կրումն այն աշխատակիցների կողմից, ովքեր անմիջական շփումներ ունեն հաճախորդների հետ:

3. Ապահովել յուրաքանչյուր 10 աշխատողի հաշվարկով առնվազն մեկ ծորակի առկայություն: 4. Ապահովել փակվող աղբամաններ` օգտագործված դիմակները նետելու համար:

5. Յուրաքանչյուր աշխատակցի ջերմությունը չափել նվազագույնը օրական երկու անգամ (հեռավար կամ անհատական օգտագործման ջերմաչափներով, այդ թվում՝ աշխատակիցների անձնական ջերմաչափներով), որից մեկը աշխատակցի աշխատանքի ներկայանալու ժամանակ՝ կատարելով համապատասխան նշումներ գրանցամատյանում:

6. Սահմանել կանոններ և ընթացակարգեր` օրական առնվազն երկու անգամ սահմանված ժամերի ախտահանելու տարածքը՝ դռների բռնակները, սեղանները, ձեռքով հաճախակի հպման մակերեսները (սարքերի մակերեսներ, լույսի անջատիչներ, սարքավորումների վրայի բռնակները, հեռակառավարման վահանակներ, ընդհանուր օգտագործման հեռախոսներ, համակարգիչներ, ստեղնաշարեր և մկնիկեր, բանկերում և այլ կազմակերպություններում՝ հաճախորդների կամ տարբեր անձանց կողմից օգտագործվող գրիչներ և այլն), սանհանգույցները, ձեռքերի հպման համար նախատեսված մակերեսները:

Ժողովու՛րդ, համաճարակը չի հարցնելու, թե մարդը որտեղ է աշխատում: Ուստի վերը նշված ուղեցույցի պահանջները պետք է կատարվեն բոլոր կազմակերպությունների կողմից:

Ենթադրում եմ, որ այս շուկան նույնպես կազմակերպություն է, որն ունի որոշակի տարածք, աշխատակիցներ, ղեկավարություն և ակնհայտ է, որ այս շուկայում չեն պահպանվում վերը նշված ցուցումները, ինչը կարող է վտանգավոր լինել շատերի համար:

Հասկանալի է, որ պետք է ապահովվի շուկաների բնականոն գործունեությունը, բայց եթե արտակարգ դրություն է, և նման ցուցում է տրվել, ուրեմն կազմակերպությունները պարտավոր են կատարել նշված ցուցումները, իսկ պատկան մարմինները պարատվոր են ապահովել արտակարգ դրությունից բխող բոլոր որոշումների կատարումը:

Հ.Գ. Անգամ եթե այս կորոնավիրուսն էլ չլիներ, բոլոր շուկաներում պետք է ապահովել ու կազմակերպել քաղաքակիրթ առևտուր: Բավակա՛ն է գետնից ու փողոցից ուտելիք գնենք: Եկե՛ք դուրս գանք այս համազգային ԲԱԶԱՐԻ միջից»:

Տպել
Կարդացեք նաև
Ամբողջը
Քիսինջերը սերունդներ ձգվող քաղաքական եւ տնտեսական քաոս է կանխատեսել . The Wall Street Journal
Մարդկության երջանկությունը եւ ազգերի բարգավաճումը, ըստ 96-ամյա քաղաքական գործչի, հնարավոր են միայն կառավարությունների նկատմամբ մարդկանց վստահության դեպքում...
ԱՄՆ-ում ապրիլի 24-ին Ցեղասպանության նվիրված բոլոր միջոցառումները չեղարկվել են Կորոնավիրուսի պատճառով
Համայնքային այս երեք կազմակերպությունները ծրագրել էին…
Voice of America. Թրամփը խոստացել է «մոտ ժամանակում» հաղթել կորոնավիրուսի «վարակը»
Թրամփի զրույցը կրոնական առաջնորդների հետ տեղի է ունեցել Զատկի եւ Պեսախի նախօրեին…
Լյուքսային ապրանքանիշների համար կանխատեսել են կորոնավիրուսի պատճառով վերադարձ 2011 թվականի մակարդակին. ՌԲԿ
Ընկերությունների ղեկավարների եւ ֆինանսական տնօրենների գրեթե կեսը կարծում է, որ կորոնավիրուսի բացասական հետեւանքները շարունակվելու են եւս 6-12 ամիս…
Գերմանիայում ռոբոտը հիշեցնում է սոցիալական հեռավորության պահպանման եւ պաշտպանական դիմակների մասին
Ինովացիոն թվային լուծումները ճգնաժամային իրավիճակների ժամանակ օգնում են ռիսկի խմբերի ավելի լավ պաշտպանությանը…
Կորոնավիրուսի պանդեմիան կարող է դառնալ պահպանակների պակասի պատճառ. AFP
Մալայզիան, որն աշխարհում կաուչուկի խոշորագույն արտադրողը եւ պահպանակների հիմնական աղբյուրն է, անցած ամիս սահմանել է մեկուսացման ռեժիմ, քանի որ Հարավ-Արեւելյան Ասիայում վարակվածների մակարդակը ավելացել է՝ հասնելով ամենաբարձր ցուցանշի…
Ամենաշատ