Կողմ եմ արտակարգ դրության ժամանակ Հայաստանից որոշ ապրանքների արտահանման արգելքին: Այս մասին այսօր լրագրողների հետ հանդիպման ժամանակ ասաց Սննդամթերքի անվտանգության տեսչական մարմնի ղեկավար Գեորգի Ավետիսյանը:
Սակայն նա չնշեց, թե կոնկրետ որ ապրանքների արտահանումը պետք է արգելել: Ինչ վերաբերում է սահմանային հսկողությանը, ապա Ավետիսյանի խոսքով՝ փոխվել է միայն աշխատակիցների արտաքին տեսքը, քանի որ նրանք դիմակ եւ ակնոց են կրում, իսկ մնացած առումով հսկողությունն իրականացվում է նախկին ռեժիմով: «Մենք չենք կարող վերահսկել վարորդներին, քանի որ դա մեր լիազորությունների մեջ չի մտնում»,- եզրափակեց պաշտոնյան:
Հիշեցնենք, որ Հայաստանում մարտի 16-ից ապրիլի 14-ը արտակարգ դրության ռեժիմ է գործում: