Հայաստանի Ազգային ժողովն մարտի 25-ին առաջին ընթերցմամբ հաստատեց կառավարության ներկայացրած օրինագիծը, որով առաջարկվում է 2022 թվականից արգելել հանրապետությունում մեկանգամյա օգտագործման պլաստիկ եւ պոլիէթիլենային տոպրակների  վաճառքը:

Մասնավորապես, Հայաստանի կառավարությունն առաջարկում է 2022 թվականի հունվարի 1-ից արգելել մինչեւ 50 միկրոն հաստությամբ պլաստիկ եւ պոլիէթիլենային տոպրակների եւ պարկերի վաճառքը, բացառությամբ փաթեթավորումների եւ վերամշակված հումքի:

Օրինագիծն ընդունվեց միաձայն` 115 «կողմ» ձայնով: