News
Լրահոս
News
Ուրբաթ
Մարտ 29
Տեսնել լրահոսը

Կորոնավիրուսի պատճառով մտցված կարանտինը կարող է ամուսնալուծությունների աճի պատճառ դառնալ: Փակ վիճակում կյանքը կարող է ոմանց համար նմանվել տոնի, ինչպես Ծննդյան տոնը, բայց դա ոչ միշտ է լավ, քանի որ համատեղ գտնվելու երկարատեւ շրջանները կարող են ինչպես ստեղծել հարաբերություններ, այնպես էլ դրանք կործանել, փոխանցում է CNBC-ն: 

Այս փաստարկն անցյալ շաբաթ Մեծ Բրիտանիայի խորհրդարանում առաջ է քաշել ամուսնալուծությունների գործերով դատավարությունների առաջատար փաստաբան, բարոնուհի Ֆիոնա Շեքլթոնը: Նա ասել է, որ իրավաբանները կանխատեսում են «կամավոր բանտարկությունից» հետո ամուսնալուծությունների թվի հնարավոր աճ:

Ընտանեկան իրավունքի փաստաբան-խորհրդատու Հարդիփ Դիլոնն ասել է, որ Ծննդյան տոներից հետո իրավաբանական ընկերությունը նկատել է համացանցում՝ «Ես ցանկանում եմ ամուսնալուծվել» հարցումների որոնման 230 տոկոսով աճ: Նա ներկայումս համանման միտում է ակնկալում, հատկապես զույգերի թվի աճի մասին տեղեկություններից հետո, որոնք Չինաստանում ձգտում են ամուսնալուծվել, որտեղ ծագել էր բռնկումը, եւ մարդիկ ավելի երկար էին մնացել մեկուսացման մեջ:

Ինչպես Ծննդյան տոները, ինքնամեկուսացման մեջ միասին անցկացվող ժամանակը լարվածություն է ստեղծում «այնտեղ, որտեղ արդեն խնդիրներ կան», ասել է Դիլոնը: Նրա խոսքով՝ Ծննդյան տոների ֆինանսական ճնշումը համեմատվում է կորոնավիրուսի առաջացրած փողի, զբաղվածության եւ առողջության առումով անվստահության հետ, ինչը խորանում է այն փաստով, որ մեկուսացման ներկայիս պահանջն «այն է, ինչի փորձությանը շատերը նախկինում երբեք չեն ենթարկվել»:

Vardags ամուսնալուծությունների դատավարությունների հարցերով փաստաբանական բյուրոյի հիմնադիր Այեշա Վարդագը հայտնել է, որ ընկերությունում նկատվում է զույգերից հարցումների աճ, «որոնք պարզապես զգում են, որ չեն կարող եւս մեկ օր հաղթահարել մարդու հետ, որին այլեւս չեն սիրում, եւ սկսում են նույնիսկ միմյանց ատել՝ միասին լինելով 24/7 ժամ»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Բրազիլիայի նախագահին մեղադրում են կորոնավիրուսի դեմ պատվաստվելու հարցում թույլ տված խարդախությունների համար
Նա հաստատել է, որ չի պատվաստվել․․․
Ադրբեջանում հերթական անգամ երկարացվել է հատուկ կարանտինային ռեժիմը
Ադրբեջանում երկարացվել է կարանտինը...
COVID-19-ի ժամանակ կիրառված սահմանափակումների հետևանքով տնտեսական զարգացումը կարող է 40 տարով դանդաղել աշխարհում
Կարող են գնաճային ռիսկեր դիտվել․․․
Հավատացյալներն ավելի լավ են վերապրել կորոնավիրուսային համաճարակը․ հետազոտություն
Covid-19-ի բացասական հետևանքներից մեկը եղել է հոգեկան առողջությանը հասցված…
Չինացի գիտնականները հայտնաբերել են COVID-19-ը ԱՀԿ-ին տեղեկացնելուց երկու շաբաթ առաջ. WSJ
Չինացի հետազոտողները հայտնաբերել են SARS-CoV-2 վիրուսի գրեթե ամբողջ կառուցվածքը...
Դեղը, որը Թրամփը «հրաշք» է անվանել, աշխարհում 17 հազար մարդու մահվան պատճառ է դարձել
Հակամալարիայի դեղամիջոցը նշանակվել է որոշ հիվանդների, որոնք հոսպիտալացվել են COVID-19-ով համաճարակի առաջին ալիքի ժամանակ...
Ամենաշատ