News
Լրահոս
News
Շաբաթ
Սեպտեմբեր 26
USD
485.27
EUR
565.05
RUB
6.28
ME-USD
0.01
Տեսնել լրահոսը

Արդարադատանության նախարարությունը պարզաբանում է տարածել՝ կապված «Դատապարտյալների հիվանդանոց» ՔԿՀ դատապարտյալներին տեղափոխելու կլուրերի հետ:

Պարզաբանման մեջ ասվում է.

«Այսօր զանգվածային մի շարք լրատվամիջոցներից ահազանգեր են ստացվել այն մասին, թե քրեակատարողական հիմնարկներում հայտնաբերված նոր կորոնավիրուսային հիվանդության դեպքերով պայմանավորված «Դատապարտյալների հիվանդանոց» քրեակատարողական հիմնարկում պահվող կալանավորված անձանց և դատապարտյալների բուժումը դադարեցվել է, և նրանք տեղափոխվում են այլ քրեակատարողական հիմնարկներ։

Հայաստանի Հանրապետության արդարադատության նախարարության քրեակատարողական ծառայությունը պարզաբանում է, որ հիշյալ տեղեկատվությունը չի համապատասխանում իրականությանը։

Ելնելով արտակարգ իրավիճակում կալանավորված անձանց և դատապարտյալների կյանքի և առողջության ապահովման գերակայության սկզբունքից, ինչպես նաև կարևորելով վարակի հնարավոր տարածման դեպքում կանխարգելիչ նախապատրաստական միջոցառումներ իրականացնելու անհրաժեշտությունը` «Դատապարտյալների հիվանդանոց» քրեակատարողական հիմնարկում նախապատրաստվում են պահման հատուկ պայմաններ` քրեակատարողական հիմնարկներում վարակակիր անձանց հայտնաբերելու դեպքում վերջիններիս մեկուսացնելու և ազատությունից զրկված մյուս անձանցից անջատ պահելու համար։

Այդ նպատակով «Դատապարտյալների հիվանդանոց» քրեակատարողական հիմնարկում պահվող կալանավորված անձինք և դատապարտյալները, որոնք իրենց առողջական վիճակով պայմանավորված ենթակա են դուրս գրման ստացիոնար բաժանմունքներից, տեղաբաշխվում են այլ քրեակատարողական հիմնարկներում, որտեղ նրանք շարունակելու են ստանալ պատշաճ բժշկական օգնություն։

Քրեակատարողական ծառայությունը մեկ անգամ ևս հավաստիացնում է, որ քրեակատարողական հիմնարկներում իրավիճակը լիովին վերահսկելի է։ Ներկա դրությամբ քրեակատարողական հիմնարկներից և որևէ մեկում COVID-19 կորոնավիրուսային հիվանդության հաստատված դեպքեր չեն արձանագրվել և այդ հիվանդությանը բնորոշ կլինիկական ախտանշաններով հիվանդներ չկան։

Տպել
Կարդացեք նաև
Ամբողջը
Ֆլորիդայի բնակիչը կոտրված ատամի պատճառով McDonald's-ին դատի է տվել
Եթե դատական վեճը շահի, ապա 1 մլն դոլարը կնվիրաբերի բարեգործությանը․․․
Խարկովում Ան-26-ի կործանման հետեւանքով զոհվել է 22 մարդ (ֆոտո)
Խարկովի շրջանի Ազգային ոստիկանությունից հաստատել են, որ ինքնաթիռը կործանվել է Կիեւ-Խարկով ուղու 530-րդ կմ-ում…
Խարկովում կործանվել է ռազմական ինքնաթիռ կուրսանտների հետ
Նաեւ տեղեկություններ են ի հայտ եկել, համաձայն որոնց՝ կուրսանտներն ինքնաթիռով իրականացնում էին ուսումնական թռիչք...
Արարատի մարզում տղամարդը էլեկտրաեռակցման աշխատանք կատարելիս հոսանքահարվել և տեղում մահացել է
Մահացածը Արթիկ քաղաքի բնակիչ Սերգեյ Պապոյանն էր, ով «նավեսի» վրա էլեկտրաեռակցման աշխատանքներ կատարելիս մոտ 10 հազար...
Չի վճարվել առանձնապես խոշոր չափերով՝ մոտ 40 մլն դրամի հարկ. Մեխանիզմը բացահայտվել է
Քրեական ոստիկանության գլխավոր վարչության կոռուպցիոն և տնտեսական հանցագործությունների դեմ պայքարի վարչությունում ստացված օպերատիվ…
Բազումի ոստիկանները նույն օրը բացահայտեցին կողոպուտը
Ոստիկանության Բազումի բաժնի ծառայողների միջոցառումներով պարզվեց կասկածյալի ինքնությունը…