News
Լրահոս
News
Երկուշաբթի
Ապրիլ 06
USD
501.55
EUR
542.38
RUB
6.58
ME-USD
0.04
Տեսնել լրահոսը


Այս ամբիոնից մարդկանց ոչ թե կծկվելու ուղերձներ պետք է տանք, այլ պետք է պատրաստ լինենք թռիչքի, հաղթանակի: Այս մասին այսօր` մարտի 25-ին, ԱԺ-ում հարցուպատասխանի ժամանակ ասաց ՀՀ վարչապետ Նիկոլ Փաշինյանը:

ԼՀԿ պատգամավոր Արկադի Խաչատրյանը Կառավարության հակաճգնաժամային միջոցառումների վերաբերյալ վարչապետին մի քանի հարցեր ուղղեց.

«Ըստ հայտարարված ծրագրի` շուրջ 80 միլիարդ դրամ նախատեսվում է զարգացման ծրագրերին աջակցելու համար, շուրջ 25 միլիարդ` սոցիալական աջակցության եւ 25 միլիարդ ընթացիկ հակաճգնաժամային միջոցառումների: Արդյոք Կառավարարությունը դիտարկե՞լ է համաճարակի տեւողությունից կախված տնտեսական զարգացումների տարբեր սցենարներ, մասնավորապես, մեկ ամիս, երեք ամիս, վեց ամիս ժամկետով: Արդյոք մշակվու՞մ է ռազմավարություններ այդ բոլոր սցենարների համար: Ինչու եմ ես կարեւորում սա, որովհետեւ, ակնհայտ է, շատ կարճաժամկետ ծրագրերի պարագայում շեշտադրումը դնում ենք զարգացման ծրագրերի վրա: Եթե մենք դիտարկենք ավելի երկար սցենարներ ճգնաժամային, ապա այդ զարգացման ծրագրերը աստիճանաբար տեղերը սկսում են զիջել գոյատեւման ծրագրերին: Կառավարությունը պիտի ունենա ռազմավարություններ նաեւ այդպիսի իրավիճակներին դիմակայելու համար: Եվ հիմնականում առաջարկվում է միայն վարկ վերցնելը, գոյատեւման խնդիր լուծելու պարագայում վարի ստանալ ուղղորդելը արդյունավետ չի»:

Վարչապետ Փաշինյանն էլ ասաց` այնպես չէ, որ Կառավարությունը սոցիալական աջակցության ծրագրեր չունի:

Հայտնեց, որ վաղը 5 փաթեթ է ընդունվելու, որտեղ կա նաեւ սոցիալական բաղադրիչը.

«Այդ սոցիալական օգնությունների մասին խոսելը շատ հեշտ է, բայց դրանց գաղափարախոսությունը ավերածություններ է արել մեր երկրում, որը մինչեւ հիմա չենք կարողանում հաղթահարել: Մեր հիմնական մեսիջը շարունակում է մնալ նույնը, որ սոցիալական աջակցություն ֆորս մաժորային իրավիճակներում պիտի լինի: Սակայն հիմնական ուղերձը պետք է լինի այն, որ սոցիալական բարդությունները պետք է հաղթահարեն աշխատանքի միջոցով: Հիմա աշխատանքի հնարավորությունները սահմանափակված են, մենք հիմա ամեն ինչ անում ենք, որ աշխատողին պահենք աշխատավայրում, աջակցենք, որ աշխատավարձ ստանա, եւ նա սոցիալական աջակցության կարիք ունեցողների խմբում չհայտնվի»:

Անդրադառնալով ծրագրերի ռազմավարությանը` վարչապետն ասաց. «Եթե մի ամսից երկար է տեւելու, ապա դրանից հետո արդեն կարիք չկա քննարկել 6 կամ 7 ամսվա սցենարը, քանի որ դա նույնն է: Կյանք կա ոչ միայն կորոնավիրուսից հետո, այլ նաեւ կորոնավիրուսի ժամանակ: Մենք չենք պատրաստվում 6 ամիս մեր քաղաքացիներին տներում փակել ու ասել` դուրս չգաք: Մենք 1 շաբաթով են սա սահմանել, սրա ազդեցությունը կդիտարկենք պրոցեսների վրա: Կարող է պարզվել, որ մենք պիտի ասենք` հա ժողովուրդ ջան, կորոնավիրուս է, կորոնավիրուս է, հիմա բոլորս գնացինք` զբաղվելու մեր գործերով: Եկեք այդ փարոսային փոսի մեջ ավելի շատ չընկղմվենք, քանի որ դա Հայաստանում էական օգուտ չի տվել»:

Արկադի Խաչատրյանն արձագանքեց, որ իր խոսքը վերաբերում է ցանկացած զարգացուման դեպքում` պետության պատրաստ լինելուն. «Մրցակցային մակարդակով բիզնեսներին պետությունը պետք է աջակցի»:

Նիկոլ Փաշինյանն այսպես արձագանքեց.

«Մենք պետք է հասկանանք, որ պետական գնումների ընթացակարգը մեծ մասամբ այդտեղով է աշխատել: Դուք ասում եք պետք է լինի արդյունավետ ծախսը եւ ասում եք` չենք կարող ամիսներով տենդեր անել: Եթե ամիսներով չանենք, ապա արդյունավետ չի լինի:

Այս ճնգնաժամը բոլորի համար ստեղծելու է նոր հնարավորություններ: Հին համակարգերն ամբողջ աշխարհում քանդվում են:

Մենք այս ամբիոնից մարդկանց ոչ թե կծկվելու ուղերձներ տանք, նենց ա, որ բոլորս կուչ եկած ենք, այլ պետք է պատրաստ լինենք թռիչքի, հաղթանակի: Հերիք է իրենց ներշնչենք, որ իրենք խեղճ են: Ամեն ինչ լավ է լինելու:

Մեզ այսօր ամբիոնների մոտ կանգնեցնում ու ասում եք`դիմակ չկա, թանկացել է, գիտե՞ք այսօր աշխարհի ինչ երկրներում դիմակ չկա, ամենաթոփ մակարդակի հիվանդանոցներում բժիշկները դիմակը տանում են, տանը լվանում առավոտյան բերում են: Փողոցում, ծառերի տակ մարդկանց սիստեմա եմ միացնում: Պատկերացնո՞ւմ եք ինչ կկատարվեր այս դահլիճում եթե Հայաստանում նման բան կատարվեր»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Մենք չենք հավատում ԱՄՆ-ի բարի կամքին․ Իրանի ԱԳՆ
Նա հիշեցրել է, որ Իրանը բազմիցս դիմել է պատժամիջոցները չեղարկելու խնդրանքով պաշտոնական եւ հանրային ուղիներով․․․
Կորոնավիրուսը ԵՄ-ի համար «ամենամեծ փորձությունն է»․ ՄԵրկել
Մերկելը կոչ է արել եվրոպական երկրներին միավորվել աշխարհամասում տարածված պանդեմիայի հետեւանքով վերականգնվելու համար․․․
ԱՄԷ-ում վերականգնել են սահմանափակ ուղեւորատար թռիչքները․ AFP
Թռիչքները բաց են օտարերկրյա քաղաքացիների համար, որոնք ցանկանում են հեռանալ Արաբական Միացյալ էմիրություններից, իսկ երկիր մուտք գործելն արգելված է։ Պարսից ծոցի պետության օտարերկրյա բնակիչներին արգելված է ժամանել երկիր մինչեւ ապրիլի կեսը․․․
Հյուրանոցներին, որտեղ մեկուսացվածներ կան, պետությունը վճարում է. Փաշինյանը՝ «տուրիզմի ոլորտը զրոյի հավասարվելու մասին»
Մենք նրանց վճարում ենք աշխատավարձի կեսը, բայց ոչ ավելի քան նվազագույն աշխատավարձի կրկնապատիկի չափով…
Ստեփանակերտում ախտահանել են շուկաները
Այսպես՝ «Բնակարանային շահագործման տնտեսություն» ՓԲԸ կողմից քլորի լուծույթով…
ԱԺ աշխատակազմի աշխատակիցները պարգևատրվել են մարտ ամսվա համար. ԱԺ աշխատակազմի ղեկավար
Ավելի վաղ, ՀՀ ԱԺ նախագահ Արարատ Միրզոյանի նախաձեռնությամբ, և ՀՀ ԱԺ պատգամավորների …
Ամենաշատ