News
Լրահոս
News
Ուրբաթ
Մարտ 29
Տեսնել լրահոսը


ՀՀ վարչապետ Նիկոլ Փաշինյանը ֆեյսբուքյան ուղիղ եթերում ներկայացրել է  Հայաստանի նոր նվաճումները միջազգային վարկանիշերում։

Նա, մասնավորապես, նշել է, որ ուզում է խոսել Հայաստանի արձանագրած երկու կարեւոր հաջողության մասին. «Առաջինը Varieties of democracy dataset նախաձեռնությունը հրապարակել է համաշխարհային ժողովրդավարության 2020 թվականի զեկույցը եւ այդտեղ արձանագրում է, որ չնայած աշխարհում ավտորիտարիզմի լրջագույն աճ է տեղի ունենում, Հայաստանը ժողովրդավարացման բարձր ցուցնաիշներ է արձանագրել 2019-ին:

Այսպիսի ձեւակերպում կա զեկույցում. «Հայաստանի ժողովրդավարական ակտիվիստները այժմ կարող են քաղել իրենց կողմից ցանած խաղաղ ցույցերի պտուղները: Նրանք կարող են տոնել այն փաստը, որ 2019-ից երկիրը կառավարում է ժողովրդավարական գործընթացով ընտրված կառավարությունը»:

Փաշինյանը հավելեց, որ զեկույցում կոնկրետ ցուցանիշներ են նշվում եւ կոնկրետ չափանիշներով է գնահատվել հայաստանը. «Առաջին կարեւոր ցուցիչը ընտրական ժողովրդավարությունն է: Այստեղ Հայաստանը 117-րդ տեղից տեղափոխվել է 35-րդ տեղ՝ արձանագրելով աճ 82 կետով: Ազատական բաղադրիչով Հայաստանը 125-րդ տեղից տեղափոխվել է 61-րսդ տեղ՝ արձանագրելով աճ 61 կետով: Իրավահավասարության բաղադրիչով Հայաստանը 63-րդ տեղից տեղափոխվել է 40-րդ տեղ՝ արձանագրելով առաջընթաց 23 կետով: Մասնակցայնության բաղադրիչով Հայաստանը 105-րդ տեղից տեղափոխվել է 52-րդ տեղ՝ արձանագրելով աճ 53 կետորվ առաջընթաց: Եվ խորհրդակցական ժողովրդավարության բաղադրիչով Հայաստանը 113-րդ տեղից տեղափոխվել է 31-րդ տեղ՝ արձանագրելով 82 կետով առաջընթաց»:

Վարչապետի խոսքով, Հայաստանը քաղաքանության մեջ կանանց մասնակցությամբ, քաղաքացիական ազատությունների չափորոշիչներով հատել կամ հատում են մաքսիմում գիծը: «Հովանավորչությունը ընդհուպ մոտեցել է մինիմում գծին: Այսինքն շատ շուտով կհատենք մինիմումի գիծը: Գործարարության կոռումպացվածուիթյան մակարդակով նույնպես արդեն շատ մոտենում ենք մինիմում գծին»:

Փաշինյանը նշեց, որ հաջորդ զեկույցը, որ հրապարակվել է, «Տնտեսական ազատության ցուցիչն» է 2020 թվականին: «Այստեղ Հայաստանը փոխել է իր կարգավիճակը: Եթե նախկինում մեր տնտեսությունը համարվում էր չափավոր ազատ, 2020-ին ՀՀ տնտեսությունը գնահատվել է «հիմնականում ազատ»: Հայաստանը առաջընթաց է արձանագրել միանգամից 13 հորիզոնականով եւ հիմա զբաղեցնում է 34-րդ տեղն աշխարհում: Նախկինում 47-րդ տեղում ենք եղել:

Ըստ զեկույցի հայաստանը հաջողություններ է արձանագրել միանգամից 8 ցուցանիշներով՝ սեփականության իրավունքներ, դատական համակարգի  արդյունավետություն, կառավարության բարեվարքություն, հարկային բեռ: Զեկույցի հեղինակները ՀՀ առաջընթացը մեծապես կապում են հարկաբյուջետային առողջացման կտրուկ աճի հետ: Եվրոպայում մեր երկիրը 18-րդն է 45-ից»:

Զեկույցում կան նաեւ առաջարկներ, որտեղ, ըստ վարչապետի նշված է, որ ավելի լավ տնտեսական ցուցանիշներ արձանագրելու համար Հայաստանը պետք է ավելի մեծ ուշադրություն դարձնի դատական համակարգի արդյունավետության բարելավման եւ կառավարման համակարգի բարեվարքության վրա. «Սա եւս ցույց է տալիս, որ դատական համակարգով մենք շատ լրջորեն պետք է զբաղվենք: Զեկույցը արձանագրում է նաեւ, որ մեր երկրում դատարանները տուժում են արդյունավետության, անկախության եւ պրոֆեսիոնալիզմի ցածր մակարդակներից, որ դատական համակարգի ամրապնդումը պետք է լինի առաջնահերթություն»:

ՀՀ վարչապետն ընդգծեց, որ տնտեսական ճգնաժամից հետո էլ պետք է շատ լրջորեն տնտեսական փոփոխություններ անել եւ օտարերկրյա ներդրումներ ներգրավել. «Ցանկացած օտարերկրյա ներդրող որեւէ երկրում տնտեսական գործունեությունը ծավալելու թեմա է քննարկում, առաջին գործողությունն այն է, որ վերցնում է միջազգային զեկույցները՝ պատկերացում կազմելու համար, թե ինչ երկրի հետ գործ ունի, այդ երկրում ապագա կա, թե չկա, արժի ներդրում անել, թե չարժի:

Հետեւաբար, շատ կարեւոր է, որ հետեւողական կերպով մենք բոլոր միջազգային զեկույցներում արձանագրում ենք շատ լուրջ առաջընթաց»,-ընդգծեց Փաշինյանը:

Մանրամասները՝ տեսանյութում:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Այսօր աշխատանքից ազատվելու դիմում եմ ներկայացրել․ «Երևան ավտոբուս» ՓԲԸ տնօրեն
Շնորհավորում եմ նոր տնօրենին պաշտոնին նշանակվելու կապակցությամբ, մաղթում եմ միայն նոր հաջողություններ և արդյունավետ ու կառուցողական...
Հայտնի են ձվի արտադրության եւ իրացման շուկայի վերահսկողության միջանկյալ արդյունքները
Վերահսկողական միջոցառումներն այսօր դեռ շարունակվում են, ափոփ արդյունքները կներկայացվեն լրացուցիչ հաղորդագրությամբ...
Փորձել են օդային ճանապարհով ՀՀ ներմուծել առանց հայտարարագրման 40 բջջային հեռախոս. ՊԵԿ
Վարչական վարույթի հետագա ընթացքն ապահովելու համար՝ նյութերն ուղարկվել...
Գևորգ Պապոյանը Կորեայի ԱԳ փոխնախարարին է ներկայացրել Հայաստանի ներդրումային հնարավորությունները
Հանդիպման ընթացքում կողմերը կարևորել են Հայաստանի և Կորեայի միջև...
«Իրավունք». Ո՞ր դեղերը չեն մտնի էլեկտրոնային դեղատոմսերով վաճառվողների ցանկ
ՀՀ առողջապահության նախարարության Դեղորայքային քաղաքականության եւ բժշկական տեխնոլոգիաների...
Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը
«Հայփոստ»-ի գլխավոր գործադիր տնօրեն Արայիկ Աբրահամյանը խոսել է կատարված աշխատանքների, ֆինանսական և որակական ցուցանիշների...  
Ամենաշատ