News
Լրահոս
News
Երեքշաբթի
Ապրիլ 07
USD
501.55
EUR
542.38
RUB
6.58
ME-USD
0.04
Տեսնել լրահոսը

Չինաստանի Ուհան քաղաքում առաջին անգամ կորոնավիրուս է հայտնաբերվել ծովախեցգետին վաճառողի մոտ, գրում է չինական Thepaper թերթը:

Դեռ պարզ չէ, թե արդյոք ծովամթերքների շուկան վարակի տարածման աղբյուր է հանդիսացել: Մասնագետները դեռ չեն կարողացել պարզել, թե երբ, ինչպես եւ ինչ հանգամանքում կարող էր վիրուսը կենդանուց մարդուն փոխանցվել: 

Թերթի աղբյուրների հաղորդմամբ՝ ծովախեցգետնի առեւտրով զբաղվող «Խուանան» շուկայում աշխատող Վեյ ազգանվամբ կնոջ մոտ  կորոնավիրուսը հայտնաբերվել է 2019 թվականին դեկտեմբերի 11-ին: Այդ ժամանակ անհայտ պատճառով նրա ջերմությունը բարձրացել է: Հետագայում պարզվել է, որ հենց նա է կորոնավիրուսով վարակված առաջին մարդը:

Ուհանի առողջապահության կոմիտեն դեկտեմբերի 31-ին հայտնել է, որ վարակվածների առաջին խմբում 27 մարդ կա: Թերթին հաջողվել է ստանալ կորոնավիրուսով վարակվածների առաջին խմբի ցուցակի կրկնօրինակը, որում ասվում է, որ 24 մարդ շփում է ունեցել «Խուանան» շուկայի աշխատողների հետ, նրանցից 4-ը մեկ ընտանիքի անդամներ են:

Ցուցակում առաջին տեղում Վեյն է եղել: Կինը մի քանի հիվանդանոց է դիմել, որտեղ նրան չեն կարողացել օգնել, եւ նա որոշել է մնալ տանն ու դեղեր խմել: Դեկտեմբերի 16-ին նա դիմել է Wuhan Union Hospital հիվանդանոց: 

Թերթին հաջողվել է պարզել, որ առաջին խմբից 11 մարդ ախտանիշների հայտնվելուց հետո դիմել է փոքր կլինիկաներ, որոնք գտնվել են շուկայի մոտակայքում: Փետրվարի 23-ին թերթի աշխատակիցներն այցելել են այդ կլինիկաները, որոնք, ինչպես պարզվել է, փակվել են:

Ուսումնասիրելով վերոնշյալ ցուցակը՝ լրագրողներին հաջողվել է կապ հաստատել վարակվածի հետ, որը կապ չի ունեցել այդ շուկայի դեպքերի հետ: Նա Չեն ազգանվամբ տղամարդն է եղել, ում մոտ դեկտեմբերի 16-ին բարձրացել է ջերմությունը, նա դիմել է Ուհանից ոչ հեռու գտնվող Ցզյանսյայի հիվանդանոց:

Տղամարդը բժիշկներին ասել է, որ զբաղվում է ֆինանսներով ընկերություններից մեկում եւ որեւէ շփում չի ունեցել այդ շուկայի հետ: Տղամարդն այդպես էլ չի հասկացել՝ որտեղ է վարակվել: Ընդ որում, նրա ընտանիքի անդամներից ոչ ոք նրանից չի վարակվել, չի վարակվել նաեւ նրան հիվանդանոց ուղեկցող անձը:

Չենը լրագրողներին հայտնել է, որ միայն աշխատանքի է գնացել եւ այլ վայրեր չի այցելել: Նա ենթադրել է, որ կարող էր վարակվել աշխատանքի գնալիս՝ մետրոյում կամ էլ այն բանից հետո, երբ դիմել է հիվանդանոց:    

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Հրապարակ». ԲԿ-ում ժողովն ավարտվել է միջադեպով, անգամ քաշքշուկ է եղել. Հետո եկել՝ դիմումները հետ են վերցրել
Պատճառն այն է, ըստ տնօրեն Հովակիմյանի, որ որոշ բժիշկներ չեն համաձայնում արտակարգ ռեժիմում աշխատել...
Ինչպե՞ս կփոխվի ամերիկացիների աշխարհայացքը կորոնավիրուսից հետո․ AP
Ամերիկյան փորձի կարեւորագույն գիծը կարճ հեռավորության վրա մնացած աշխարհին պահելն էր տնտեսության, տեխնոլոգիաների, մշակույթի կամ որեւէ այլ ոլորտում․․․
Ռուս երգչուհի Նադեժդա Բաբկինան կորոնավիրուսի թեստ է հանձնել․ ԶԼՄ-ներ
Ընդ որում՝ երգչուհու որդի Դանիլ Սազեդատելեւը հաստատել է մոր հոսպիտալացման, ինչպես նաեւ կորոնավիրուսի թեստը հանձնելու փաստը․․․
Ամերիկացի կենսաբանները կորոնավիրուսը «հնչունավորել» են
Ամերիկացի կենսաբանները կորոնավիրուսի սպիտակուցների տատանումները վերածել են հնչյունի…
Արժույթի միջազգային հիմնադրամը հայտարարել է Չինաստանի վերականգնման հուսադրող նախանշանների մասին
ԱՄՀ-ի առաջատար տնտեսագետները հայտարարել են, որ նոր կորոնավիրուսով պայմանավորված պանդեմիան տարել է աշխարհը դեպի անկում․․․
Մեկուսացումից դուրս է եկել 400-ից ավելի քաղաքացի
Մինչ այժմ բուժվել է 62 քաղաքացի, մահացել 8-ը…
Ամենաշատ