News
Լրահոս
News
Կիրակի
Ապրիլ 05
USD
502.97
EUR
543.86
RUB
6.56
ME-USD
0.03
Տեսնել լրահոսը

ՌԴ կառավարությունը կազմել է այն ինը ոլորտների ցանկը, որոնք ամենաշատը կտուժեն կորոնավիրուսի հետ կապված տնտեսական իրավիճակի պատճառով։ Դրանց առաջարկվում է առաջին հերթին աջակցություն ցուցաբերել, գրում է Forbes-ը։

Գործարարների հետ նախագահ Վլադիմիր Պուտինի հանդիպման մասնակիցները ցույց են տվել այդ ցուցակը պարունակող փաստաթուղթը։ Forbes-ը նույնպես ծանոթացել է այդ փաստաթղթի հետ։ Դրա իսկությունը հաստատել են հանդիպման մասնակիցներից մեկը եւ դաշնային մի պաշտոնյա։

Ցուցակում, որին ծանոթացել է Forbes-ը, նշված են՝

• Ավիափոխադրումները, օդանավակայանները, ավտոփոխադրումները

• Մշակույթը, հանգստի եւ զվարճանքների կազմակերպումը

• Ֆիզկուլտուրայի եւ առողջարարական գործունեությունը եւ սպորտը

• Զբոսաշրջային գործակալությունների եւ զբոսաշրջության ոլորտում ծառայություններ մատուցող այլ կազմակերպությունների գործունեությունը

• Հյուրանոցային բիզնեսը

• Հասարակական սնունդը

• Լրացուցիչ կրթության կազմակերպությունները, ոչ պետական կրթական հաստատությունները

• Համաժողովների եւ ցուցահանդեսների կազմակերպումը

• Բնակչությանը կենցաղային ծառայությունների մատուցումը (վերանորոգում, լվացք, քիմմաքրում, վարսավիրանոցների եւ գեղեցկության սրահների ծառայություններ)։

Նախօրեին Պուտինը ելույթ է ունեցել ռուսաստանցիներին ուղղված արտակարգ ուղերձով։ Նա ընդգծել է, որ ընթացիկ սոցիալ-տնտեսական իրավիճակում անհրաժեշտ են լրացուցիչ քայլեր, նախ եւ առաջ, որպեսզի ապահովվի քաղաքացիների սոցիալական պաշտպանությունը, նրանց եկամուտների եւ աշխատատեղերի պահպանումը, ինչպես նաեւ փոքր ու միջին բիզնեսին աջակցությունը, որտեղ միլիոնավոր մարդիկ են զբաղված։ Պուտինը հայտարարել է, որ գործարարները հարկերի վճարումը հետաձգելու թույլտվություն կստանան, ապահովագրական վճարները կնվազեն մինչեւ 15 տոկոս, իսկ այն աշխատողները, ում եկամուտը նվազել է 30 տոկոսով ու ավելի, վարկերի եւ հիփոթեքի վճարումը հետաձգելու թույլտվություն կստանան։

Գործարարների հետ մարտի 26-ին Պուտինի հանդիպման ժամանակ առաջին փոխվարչապետ Անդրեյ Բելոուսովը հայտարարել է, որ բիզնեսները անհապաղ վարկեր կստանան՝ աշխատավարձերը վճարելու համար։ Նրա խոսքերով՝ վարկերը հասանելի կլինեն արդեն հաջորդ շաբաթվանից՝ Խնայբանկի եւ ՎՏԲ-ի հետ պիլոտային ռեժիմով։ Բելոուսովն ընդգծել է, որ տոկոսադրույքները կսուբսիդավորվեն մինչեւ զրոյական մակարդակ՝ մարման բարձր երաշխիքներով։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Չեխիայում ավելի քան 300 օդաչու ձեւավորել է օգնության խումբ երկրում բուժսարքավորում մատակարարելու համար. Associated Press
Այդ ծառայությունն իրականացվում է անվճար, իսկ օդաչուները սեփական միջոցներով են վճարում իրենք ինքնաթիռների վառելիքի դիմաց…
Հորդորում եմ հայտարարություն անել կալանավորների ազատ արձակման համատեքստում․ Զարուհի Փոստանջյան
Այսօր Հայաստանի Հանրապետությունում շուրջ հինգ հազար մարդ գտվում է կալանավայրերում, նրանցից շուրջ հազարը՝ նախնական կալանքի տակ․․․
Մարալիկում 68-ամյա տղամարդը կորոնավիրուսով է վարակվել. նրա հետ շփում ունեցած 29 բուժաշխատող մեկուսացվել է
Քանի որ Գյումրու ինֆեկցիոն հիվանդանոցում նրան զննել են, փաստացի նրա մոտ էպիդեմիոլոգիական…
Սահմանափակումների շնորհիվ վարակի տարածման ինտենսիվության գործակիցը նվազել է․ Ավինյան
Գործակիցը ցույց է տալիս, թե 1 վարակված անձը պոտենցիալ քանի հոգու կարող է վարակել․․․
Ֆիլիպիններում չեղարկվել է միջազգային ռազմածովային շքերթն ու սիմպոզիումը կորոնավիրուսի պատճառով. Inquirer
Այժմ մենք ուղարկում ենք ծանուցումներ տարբեր նավատորմներին, որ պատրաստվում ենք հետաձգել 17-րդ Միջազգային ռազմածովային սիմպոզիումի եւ Միջազգային ռազմածովային շքերթի անցկացումն անորոշ ժամկետով…
Փաշինյանի նվերը հասարակությանը՝ Ջոնի Բրջոնի․Գագիկ Համբարյան
Պատահական չէ նաև Բրջոնիի սենյակի աղքատիկ և փնթի կահավորումը․․․
Ամենաշատ
Ֆոտոռեպորտաժներ