News
Լրահոս
News
Երկուշաբթի
Մայիս 25
USD
483
EUR
526.57
RUB
6.76
ME-USD
0.03
Տեսնել լրահոսը

Արցախում տեղի ունենալիք նախագահական եւ խորհրդարանական ընտրությունների վերաբերյալ «Անկախ»-ին իր տեսակետն է հայտնել ԱԺՄ նախագահ, «Վերնատուն» հասարակական-քաղաքական ակումբի նախագահ Վազգեն Մանուկյանը։

Պարոն Մանուկյան, մարտի 31-ին Արցախում տեղի են ունենալու նախագահական եւ խորհրդարանական ընտրությունները, որոնք շատ կարեւոր են ոչ միայն Արցախի, այլեւ  Հայաստանի Հանրապետության համար։ Ի՞նչ կարծիք եւ ի՞նչ ակնկալիքներ ունեք ընտրությունների ընթացքի, ցանկալի կամ սպասվող  արդյունքների վերաբերյալ։

Իհարկե շատ կարեւոր է Արցախի Ազգային ժողովի կազմը, բայց այս ընտրությունների կարեւորագույն արդյունքն այն է, թե ով կդառնա Արցախի Հանրապետության նախագահ։ Ձեր հարցը ես կվերաձեւակերպեմ հետեւյալ կերպ․«Եթե ես լինեի Արցախի քաղաքացի, ո՞ւմ կտայի ձայնս եւ ինչո՞ւ»։

Նախ ասեմ, որ թեկնածունների մի մասին անձամբ ճանաչում եմ եւ խորին հարգանքով եմ վերաբերվում, բայց որպես ընտրող՝ կառաջնորդվեի հետեւյալ սկզբունքներով․

1․ Արցախի կարեւորագույն հարցն անվտանգությունն է, եւ Արցախի նախագահը պետք է ունենա որոշակի փորձառություն անվտանգության հարցում, ռազմական գործում եւ վայելի ժողովրդի վստահությունն այս հարցերում։

2․ Պետք է լինի ազնիվ իր անցած ճանապարհով։ Ունենալով ղեկավարման փորձ՝ համատեղած չլինի պետական պաշտոնը բիզնեսի հետ։

3․ Պետք է լինի անկախ, չգտնվի օտար երկրների տարբեր կառույցների ազդեցության տակ։

4․ Պետք է կարողանա, ձեւավորելով արդյունավետ կառավարություն, իր շուրջ համախմբել հասարակության տարբեր շերտերի, քաղաքական տարբեր ուժերի, օգտվել մասնագետների խորհուրդներից տարբեր ասպարեզներում՝ չբաժանելով հասարակությանը յուրայիների եւ ոչ յուրայինների։

Ես հատուկ չեմ նշում, որ ընտրված նախագահը պետք է սերտորեն համագործակցի Հայաստանի Հանրապետության ղեկավարության հետ, որովհետեւ ինչպես Հայաստանի, այնպես էլ Արցախի ցանկացած իշխանության դեպքում երկու երկրների ղեկավարները, անկախ իրենց քաղաքական համակրանքներից կամ ցանկություններից, պարտադրված կլինեն համագործակցել։ Սա շատ պարզ քաղաքական իրողություն է։

Այս պայմանների մի մասը բավարարող թեկնածուներ, իհարկե, կան, բայց  իմ կարծիքով՝ միայն Վիտալի Բալասանյանն է  ամբողջովին բավարարում իմ նշած բոլոր սկզբունքներին։ Եվ եթե ես լինեի Արցախի քաղաքացի, առանց վարանելու ձայնս կտայի նրան։

Իսկ թե իրականում ի՞նչ սկզբունքներով կառաջնորդվի Արցախի ընտրողը, եւ արդյունքում ո՞վ կընտրվի Արցախի Հանրապետության նախագահ, դա Արցախի ժողովրդի իրավունքն է, եւ ես, ինչպես նաեւ Հայաստանի ամբողջ ժողովուրդը, հարգանքով կընդունենք արցախցիների  ընտրությունը։

Տպել
Կարդացեք նաև
Ամբողջը
«Հրապարակ». Բոլորը խռովել են . Արայիկ Հարությունյանի երդմնակալությանը չեն կանչել նաեւ Սերժ Սարգսյանին, կաթողիկոսին
Արայիկ Հարությունյանի երդմնակալությունից հետո խրախճանքին մասնակցած բոլոր արցախցի հյուրերին պլանավորում են թեստավորել...
«Հրապարակ». «Նեղ» կազմով ինաուգուրացիա՝ Արցախում. Ովքե՞ր են ներկա լինելու Հայաստանից
Էս օրերին մեզանից շատ մարդիկ են նեղանում, ովքեր նախորդ ինաուգուրացիաներին ի պաշտոնե մասնակցել են...
«Հրապարակ». Սամվել Բաբայանն ու իր թիմակիցները պաշտոններ կստանան. Լյովա Մնացականյանն ուղիներ է որոնում, որ մնա
Բայց նրան փոխարինողի անունն են արդեն քննարկում՝ նրա տեղակալ Աշոտ Հակոբջանյանի...
«Փաստ». Արդյո՞ք Սամվել Բաբայանը պաշտոն կստանա
Մինչ այդ ակտիվորեն քննարկվում է տարբեր պաշտոններում հնարավոր փոփոխությունների թեման՝ շրջանառելով նաեւ...
«Ժողովուրդ». Ովքեր կնշանակվեն պաշտոնների Արցախում. որոշումները կայացված են
Ղուլյանը չի ցանկանում խորհրդարան գնալ, որպես շարքային պատգամավոր...
Հայտնի են Արցախի ոստիկանությունում ընտրությունների վերաբերյալ ստացված և ստուգված հաղորդումների քննարկման արդյունքները
Արցախի Հանրապետության ոստիկանությունում ստացված և ստուգված 51 հաղորդումներից 9-ով քրեական գործ հարուցելը մերժվել է ԱՀ քրեական…