Ավստրալիան արտասահմանից տուն վերադարձող քաղաքացիների համար կեսգիշերից մտցնում է հարկադիր կարանտին եւ զինված ուժերին է օգտագործում մարդկանց կողմից ինքնամեկուսացման պահպանումն ապահովելու համար, փոխանցում է Reuters-ը:
Երկրի վարչապետ Սքոթ Մորիսոնը հայտարարել է, որ վերադարձող ավստրալացիներին է բաժին ընկնում երկրում կորոնավիրուսով հիվանդության ավելի քան 3000 դեպքերի մոտ երկու երրորդը, ինչը «ամենամեծ խնդիրն է», որն անհրաժեշտ է լուծել երկրում համավարակի դեմ պայքարում:
Ավստրալիան իր սահմաններն արդեն փակել է բոլորի համար, բացի տուն վերադարձող երկրի քաղաքացիներից: Հիմա նրանց 2 շաբաթ պահելու են հյուրանոցում:
Ավստրալիայի պաշտպանության ուժերը (ADF) ստուգելու են, որ վերջերս վերադարձածները հետեւեն նույն ժամանակահատվածում իրենց տներում ինքնամեկուսացման մասին ավելի վաղ հրամանին:
Ավստրալիայում հիվանդացության մակարդակը շատ ավելի ցածր է, քան շատ այլ երկրներում, բայց պաշտոնյաները մտահոգված են այն հանգամանքով, որ վերջին շաբաթվա ընթացքում հիվանդության դեպքերի թիվն ավելացել է հատկապես Նոր Հարավային Ուելս եւ Վիկտորիա նահանգներում: Մահացել է 13 մարդ:
