Վրաստանում կորոնավիրուսով վարակման դեպքերի թիվն աճել է՝ 79-ից հասնելով 81-ի, հաղորդում է Newsgeorgia-ն՝ հղում անելով StopCov.ge կառավարական կայքին:
Այդպիսով, եւս երկու դեպք է գրանցվել մարտի 26-ի երեկոյան: ԶԼՄ-ների տեղեկություններով՝ երկու պացիենտները գտնվում են Քութայիսիի ինֆեկցիոն հիվանդանոցում: Մեկը վերջերս էր վերադարձել Ֆրանսիայից եւ գտնվում էր կարանտինի մեջ:
Վարակվածների թվում 2-14 տարեկան 5 երեխա կա: Երեխաների մոտ հիվանդությունը թեթեւ ընթացք ունի:
Երկրում մահվան դեպքեր չեն գրանցվել: 4 պացիենտի վիճակը ծանր է: Միեւնույն ժամանակ, կորոնավիրուս էր հայտնաբերվել Վրաստանի 3 քաղաքացու մոտ, որոնք մահացել էին Իսպանիայում պանդեմիայի ժամանակ:
Վրաստանում երեկվանից սկսվել են արագ թեստերով ստուգումները: