ՌԴ նախագահի աշխատակազմում կորոնավիրուսով վարակամն դեպքեր են հայտնաբերվել, ասել է պետության ղեկավարի մամուլի քարտուղար Դմիտրի Պեսկովը, փոխանցում է «ՌԻԱ Նովոստի»-ն:
«Իսկապես, վարչակազմում կորոնավիրուսի դեպքեր են հայտնաբերվել: Դա համապատասխանում է իրականությանը, եւ ձեռնարկվում են բոլոր անհրաժեշտ սանիտարահիգիենիկ միջոցները` վիրուսի հետագա տարածումը կանխելու համար»,- ասել է նա:
Ինչպես նշել է Կրեմլի ներկայացուցիչը, նա գիտի մի այդպիսի դեպքի մասին եւ շեշտել է, որ Վլադիմիր Պուտինը չի շփվել հիվանդի հետ: Ըստ Պեսկովի` ստեղծված իրավիճակը եւս մեկ անգամ ապացուցում է կանխարգելիչ միջոցառումների արդարացված լինելը, երբ նախագահի մասնակցությամբ բոլոր միջոցառումների մասնակիցներին նախապես առաջարկվում է կորոնավիրուսի թեստեր հանձնել:
