Առողջապահության նախարար Արսեն Թորոսյանն այսօր` մարտի 27-ին, այցելել էր Ծաղկաձորի ԵՊՀ հանգստյան տուն, որտեղ 90 կոնտակտավորներ կան: Նա ֆեյսբուքյան լայվով ներկայացեց Ռադիոիզոտոպների արտադրության կենտրոն ՓԲ-ի տնօրեն Հովհաննես Զոհրաբյանին ով արդեն 13 օր կազմակերպում է բժշկականխարգելիչ միջոցառումները:
Զոհրաբյանը հայտնեց, որ այդտեղ մեկուսացված են նաեւ երեխաներն` իրենց ծնողների հետ:
«Երեխաներին պետք է զբաղմունքով ապահովվել: Մեր բախտը բերել է, որ օնլայն դասընթացներ են գնում: Նրանց համար դասերը չի ընդհատվել: Այսօր 69-ը կոնտակտավորից մոտ 20 րոպե առաջ նմուշառում է վերցվել: Ունենք 90 կոնտակտավոր, 15-ին այսօր է կատարվել թեստավորումը, 16-ինը վաղը: Այսօրվա թեստավորվողները դպրոցական երեխաներ են»,- ասաց Հովհաննես Զոհրաբյանը:
Նշենք, որ Արսեն Թորոսյանն այցելել է նաեւ Ծաղկաձորում գտնվող «Գոլդեն Փելես» հյուրանոց, որտեղ ըստ նրա՝ այս պահին գտնվում է մեկուսացած մոտ 100 քաղաքացի: Նախարարը հայտնել է, որ հյուրանոցում մեկուսացվածներից շատերը երեկ եւ այսօր տուն են գնացել:
